उद्योगमन्त्री भण्डारी र भारतीय समकक्षी गोयलबीच व्यापार सहजीकरणक...
मंसिर १८, २०८१ मंगलबार
मलको अभाव : धानमा राख्न ढिलो भैसक्यो, सरकार अझै अलमलमा
काठमाण्डाै – धानबाली गोडमेल गर्ने बेला भैसक्दा पनि मलको समस्या उस्तै छ । रासायनिक मल नपाउँदा किसानलाई समस्या भएको छ । मनसुनले साथ दिएपछि समयमै धान रोपाइँ सकेका किसानलाई यो बेला युरिया मलको अभाव भएको हो ।
कृषि तथा पशुपन्छी विकास मन्त्रालयका अनुसार बर्खेबालीका लागि झण्डै ७० हजार मेट्रिक टन युरिया र डीएपी मल आवश्यक पर्छ । त्यसमा पनि साउनदेखि भदौसम्म १ महिना झण्डै ४० हजार मेट्रिक टन युरिया मल आवश्यक पर्छ । तर हरेक वर्षजस्तै यसवर्ष पनि किसानले समयमै मल पाउन नसकेका हुन् ।
मौज्दात मल
कृषि सामग्री कम्पनी र साल्ट ट्रेडिङ कम्पनीसँग युरिया, डीएपी र पोटास गरी जम्मा १६ हजार ३ सय ६० मेट्रिक टन मल मौज्दातमा रहेको छ । अहिले १ हजार ६० मेट्रिक टन युरिया, १२ हजार ८ सय मेट्रिक टन डीएपी र २ हजार ५ सय मेट्रिक टन पोटास मौज्दात छ । गएको असार १० गतेसम्म युरिया र डीएपी गरी १८ हजार मेट्रिक टन मल मौज्दात थियो ।
त्यसबेला कृषि मन्त्रालयले एक महिनाभित्रै मलको समस्या समाधान हुने भनेको थियो । तर एक महिना बितिसक्दा मौज्दात घटेको छ । तर भारतबाट आउने भनेको झण्डै ५० हजार मेट्रिक टन युरिया र डीएपी भने आइसकेको छैन । कृषि मन्त्रालयका अनुसार २५ हजार मेट्रिक टन युरिया र २५ हजार मेट्रिक टन डीएपी ल्याउने तयारी भैरहेको छ । तर ल्याउने भनेको मल भारतमा अलपत्र परेको ४ महिना भैसकेको छ ।
बर्सेनि मलमा बहानाबाजी : यसवर्ष लकडाउन मुख्य समस्या
हरेक वर्ष कुनै न कुनै बहानामा मलको अभाव हुने गरेको छ । सरकारले बेलैमा मल ल्याउने भने पनि किसानले भने सास्ती खेप्दै आएका छन् । बर्सेनि सास्ती व्यहोर्न बाध्य किसान यस वर्ष कोरोना भाइरसको सङ्क्रमण र लकडाउनका कारण मल आउन नसक्दा मारमा परेका हुन् ।
कृषि मन्त्रालय, कृषि सामग्री कम्पनी र साल्ट ट्रेडिङ कर्पोरेसनले कोरोना संक्रमण र लकडाउनका कारण चाहेर पनि धानबाली सहित बर्खे बालीका लागि किसानलाई युरिया मल उपलब्ध गराउन नसकेको जनाएका छन् ।
यसवर्ष समयमै बजेटको व्यवस्था गरे पनि कोरोना सङ्क्रमणपछिको लकडाउन, ठेकेदारको ढिलासुस्ती, भारतसँगको पछिल्लो तनाव लगायतका कारणले मलको अभाव भएको मन्त्रालयको दावी छ । कृषि मन्त्रालयका प्रवक्ता डाक्टर हरिबहादुर केसीले लकडाउनका कारण असार पहिलो हप्ता आउनुपर्ने मल अहिलेसम्म नआएको बताउनुभयो ।
उहाँले भन्नुभयो, ‘मल ल्याउनुपर्ने बेला लकडाउन भयो, लोड/अनलोड गर्ने र प्याकिङ्ग गर्ने कामदार पनि पाइएन, अनि गएको असारमै आउनुपर्ने युरिया मल निर्धारित समयमा आएन ।’
भारतमा अड्कियो २१ हजार ५ सय टन युरिया मल
झण्डै ४ महिनादेखि युरिया मल भारतमा अड्किएको छ । भारत गुजरातको कान्डला बन्दरगाहमा २१ हजार ५ सय मेट्रिक टन युरिया मल अड्किएको हो । ‘साल्टको २१ हजार ५ सय टन युरिया मल समयमा आएन’ प्रवक्ता केसीले भन्नुभयो, ‘धानबाली गोडमेल गर्नुपर्ने यो बेलामा पनि किसानले मलकै अभाव व्यहोर्नुपर्ने अवस्था आयो ।’
रोकिएको युरिया मल नेपाल आउन अझै एक महिना लाग्ने भएको छ । साल्ट टे«डिङले लकडाउन अघि दुबईको मल्टी कमोडिटिज कम्पनीमार्फत ओमानबाट किनेको युरिया लकडाउनका कारण भारतको गुजरात कान्डला बन्दरगाहमा आएपछि अलपत्र परेको हो । भारतमा रोकिएको मल आउन नसकेपछि सरकारले चीन र रुसबाट थप ५० हजार मेट्रिक टन युरिया मल ल्याउने तयारी गरेको कृषि मन्त्रालयका प्रवक्ता केसीले जानकारी दिनुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
अमेरिकी खर्बपति मस्कले टेस्लाबाट पाउने झन्डै ५६ अर्ब डलर अदालत...
मंसिर १८, २०८१ मंगलबार
-
काठमाण्डाै–१६ की अध्यक्ष श्रेष्ठद्वारा शपथ ग्रहण
मंसिर १८, २०८१ मंगलबार
-
भेटिवर : जलवायु परिवर्तनको जोखिम घटाउन प्रभावकारी वनस्पति
मंसिर १८, २०८१ मंगलबार
-
यू–१९ एशिया कप : नेपालले अफगानिस्तानलाई १ विकेटले हरायो
मंसिर १८, २०८१ मंगलबार
-
पाेखरालाई ८७ रनले हराउँदै एनपीएलमा चितवनकाे दाेस्राे जीत
मंसिर १८, २०८१ मंगलबार
-
प्रधानमन्त्री ओली र एनपीसी अध्यक्षबीच भेटवार्ता
मंसिर १८, २०८१ मंगलबार
-
प्रधानमन्त्री ओली र चिनियाँ राष्ट्रपति सीबीच भेटवार्ता
मंसिर १८, २०८१ मंगलबार
-
कृषिमा प्रविधिको प्रयोगसँगै दाइँ गर्ने परम्परा लोप हुँदै
मंसिर १८, २०८१ मंगलबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
शेयर बजार दाेहाेराे अङ्कले बढेर २७ सय ७५ विन्दुमा, काराेबार...
मंसिर १८, २०८१ मंगलबार
-
भियतनाममा बैंक ठगीको मुद्दामा दोषी ठहर भएकी महिलाले मृत्युद...
मंसिर १८, २०८१ मंगलबार
-
एनपीएलमा 'बेटिङ' गरेको आरोपमा ४ जना भारतीय नागरिक पक्राउ
मंसिर १८, २०८१ मंगलबार
-
एनपीएलमा चितवनले पोखरालाई दियो १ सय ६२ रनको लक्ष्य
मंसिर १८, २०८१ मंगलबार
विचार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
ठेकेदारले पार्टी चलाउँदा विकास निर्माण भताभुङ्ग भयो
मंसिर १७, २०८१ सोमबार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
बिध्या कुमार नायक
July 30, 2020, 10:25 a.m.कृषि पेशा हम्रो अन्न दाता पेशा हो। मलको समस्या हरेक बर्ष हुने गरेको छ। सरोकारवालाको ध्यान अफ्नो सता बचाउनमा मात्र छ। समयमै मल ल्याएर भण्डारन गर्दा हुन्छ तर समस्या देखाएर सरोकारबालाहरुको पन्छिने बानि परेको छ। कृषीमा अत्याधिक धेरै बजेट छुटयायिन्छ बिषम्बनाको कुरा सम्सया समयमै सामाधान हुदैन।