‘तरकारी, फलफुल किन्दा र बेच्दा ख्याल गरौँ’

भदौ १, २०७७ सोमबार ८:४६:४४ | जानुका दुवाडी

काठमाण्डौ - लकडाउन खुकुलो भएपछि कोरोनाको जोखिम झन् बढ्दै गएको छ । अबका दिन, हरेक मानिसले जुनसुकै क्षेत्रमा पनि सावधानी र सजगता अपनाउनुपर्ने देखिन्छ ।

अति आवश्यक काम नपरी घरबाट बाहिर निस्कनु हुँदैन । बाहिर निस्कनै परेमा मास्क लगाउने, भौतिक दूरीको ख्याल गर्ने, बेलाबेला साबुनपानीले हात धुने या स्यानिटाइजर लगाउने गर्नुपर्छ ।

तरकारी र फलफुल बजारमा पनि कोरोना सङ्क्रमित भेटिन थालेकाले व्यापारी र ग्राहक दुवै सचेत हुनुपर्छ । शुक्रराज ट्रपिकल तथा सरुवा रोग अस्पताल टेकुका निर्देशक डाक्टर सागर राजभण्डारीको सुझाव यस्तो छ :

१) भौतिक दूरी कायम गर्ने : तरकारी तथा फलफुल किन्न जाँदा, आउँदा जुनसुकै बेला भौतिक दूरी ख्याल गर्नुपर्छ । किन्ने ठाउँमा पनि भिडभाड गर्नु हुँदैन । तरकारी तथा फलफुल व्यापारीले डोरी टाँगेर वा घेरा लगाएर पनि दूरी कायम गर्नका लागि सहयोग गर्न सक्छन् ।

२) किन्ने र बेच्ने दुवैले मास्क तथा पञ्जाको प्रयोग गर्ने

३) परिवारका एक जना मात्र किन्न जाने । मुटुका रोगी, दम, श्वासप्रश्वासको समस्या, मधुमेह, दीर्घरोगी र वृद्धवृद्धालाई सामान किन्न वा बेच्न नपठाउने । किन्न गएको ठाउँमा पनि कसैलाई यस्तो समस्या देखेमा नजिक नजाने।

४) मानिसको भिड कम भएको ठाउँमा किन्ने ।

५) पैसा लिँदा र दिँदा विचार पुर्याउने । पैसा लिएपछि र दिएपछि हातमा स्यानिटाइजर लगाउने ।

६) अनुहार, आँखा र नाकमा जथाभाबी हातले नछुने ।

७) राम्रोसँग प्याकेजिङ गर्ने ।

८) खोक्दा र हाच्छ्यूँ गर्दा रुमाल तथा टिस्यु पेपरले मुख छोप्ने, नभए कुहिनाले छोप्ने ।

९) जुनसुकै तरकारी तथा फलफुल किनेर लगिसकेपछि राम्रोसँग पखालेर मात्रै खाने ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जानुका दुवाडी

जानुका दुवाडी उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्