वीरगञ्जमा थप एक कोरोना सङ्क्रमितको ज्यान गयो

भदौ ३, २०७७ बुधबार २०:४६:२८ | केसी लामिछाने

वीरगञ्ज – कोराना भाइरसको सङ्क्रमणका कारण बुधबार वीरगञ्जमा ४० वर्षीया महिलाको ज्यान गएको छ । अस्थायी कोरोना अस्पताल वीरगञ्ज हेल्थ केयरमा उपचाररत महिलाको बुधबार दिउँसो ज्यान गएको जिल्ला प्रशासन कार्यालय पर्साले जनाएको छ ।

वीरगञ्जको रेशमकोठी बस्ने ४० वर्षीया महिलाको बुधबार दिउँसो सवा ४ बजे ज्यान गएको हो । चार दिनदेखि स्वास्थ्यमा समस्या आएको कारण उहाँको एक निजी अस्पतालमा उपचार भइरहेको थियो । मङ्गलबार उहाँको पीसीआर परीक्षण रिपोर्ट पोजेटिभ आएपछि उहाँलाई अस्थायी कोभिड अस्पताल वीरगञ्ज हेल्थ केयरमा भर्ना गरिएको थियो ।

ज्यान गुमाउनुभएकी महिलामा अत्यधिक मात्रामा चिनी रोगको समस्या र निमोनिया पनि देखिएको चिकित्सकहरुले बताएका छन् ।

यसअघि पर्सामा बुधबार बिहान मात्रै काेराेना सङ्क्रमणबाट दुई जनाले ज्यान गुमाएको पुष्टि भएको थियो ।

यस्तै पर्सामा बुधबार कोरोनामुक्त भएर १५ जना घर फर्किएका छन् । जिल्ला प्रशासन कार्यालय पर्साका अनुसार बुधबार विभिन्न उमेर समूहका १५ जना काेराेना सङ्क्रमण निको भए घर फर्केका हुन् । पर्सामा कोरोना सङ्क्रमितहरुको सङ्ख्या १६ सय नाघेकाे छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्