उपत्यकाको निषेधाज्ञा आज रातिदेखि सकिंदै, अब के गर्ने भन्नेबारे दिउँसाे छलफल हुने

भदौ १७, २०७७ बुधबार ७:३५:५६ | उज्यालो सहकर्मी

काठमाण्डाै – काठमाण्डाै उपत्यकामा जारी निषेधाज्ञा बुधबार रातिदेखि सकिंदै छ । तर अब के गर्ने भन्ने बारे निर्णय भइसकेको छैन । काठमाण्डाै उपत्यकामा कोरोना भाइरसको सङ्क्रमण फैलिरहेकाले निषेधाज्ञा लम्बिन सक्ने सम्भावना रहेको छ ।

‘अब कसरी अगाडी बढ्ने भन्ने विषयमा दिउँसाे तीन जिल्लाकै प्रमुख जिल्ला अधिकारी र सरोकारवालाबीच छलफल गर्दैछौं', ललितपुरका प्रमुख जिल्ला अधिकारी नारायणप्रसाद भट्टले भन्नुभयो ।

बुधबार दिउँसाेको बैठकले निर्णय गर्ने उहाँले बताउनुभयो । हिजो भएको भर्चुअल बैठकले निषेधाज्ञाको मोडालिटी परिवर्त गर्ने की भन्ने विषयमा छलफल भएको पनि उहाँले बताउनुभयो । कतिपय विज्ञबाट निषेधाज्ञा केही खुकुलो बनाउनुपर्छ भन्ने सुझाव आएको र कतिपयबाट अझै कडाइ गर्नुपर्ने सुझाव प्राप्त भएको काठमाण्डाैका प्रमुख जिल्ला अधिकारी जनकराज दाहालले बताउनुभयो ।

उपत्यका नगरपालिका फोरमले भने अझै कडा गर्नुपर्ने आवश्यकता औँल्याउँदै सुझाव पठाएको छ । फोरमका सचिव मदनसुन्दर श्रेष्ठले अहिलेसम्मको नतिजा हेर्दा सङ्क्रमण बढ्दै गएको देखिएकाले अर्को एक हप्ता थप कडाइ गर्न सुझाव दिएको बताउनुभयो ।

उपत्यकामा गएको ३ गते रातिदेखि लागू भएको लकडाउन बुधबार राति १२ बजेदेखि सकिंदै छ । यसअघि १० गतेसम्म लगाइएको निषेधाज्ञालाई लम्ब्याएर १७ गते राति १० बजेसम्म पुर्याइएको हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Prakash
Sept. 2, 2020, 8:41 a.m.
लकडाउन यसको अन्तिम उत्तर हैन जस्तो लाग्छ / सरकारले प्रदेश प्रदेशमा गरीबलाई निशुल्क , मध्यम वर्गका लागि छुटमा र धनीका लागि पुरा शुल्क लिएर कोरोनाको जांच गराउनुपर्छ / ठाउँ ठाउँमा क्वरेन्टिनको सुबिधा राख्नुपर्छ / पोजिटिभ देखिएकोलाई सुविधायुक्त क्वरेन्टिनमा राख्ने व्यवस्था गर्नुपर्छ /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

उपत्यकाको निषेधाज्ञा आज रातिदेखि सकिंदै, अब के गर्ने भन्नेबारे दिउँसाे छलफल हुने

1 Comments

Prakash

तपाईको प्रतिक्रिया

तपाईको प्रतिक्रिया