'स्वास्थ्य सुरक्षाका मापदण्ड पालना गर्छाैँ, व्यवसाय सञ्चालन गर्न पाउनुपर्छ'

भदौ २४, २०७७ बुधबार १७:३:२३ | उज्यालो सहकर्मी

काठमाण्डौ – अटोमेकानिक्स व्यवसायीले स्वास्थ्य सुरक्षाका मापदण्ड अपनाएर व्यवसाय सञ्चालन गर्न पाउनुपर्ने माग गरेका छन् ।

विश्वव्यापी रुपमा फैलिँदै गएको कोरोना भाइरसको सङ्क्रमण र काठमाण्डौ उपत्यकामा पनि सङ्क्रमण फैलिरहेको अवस्थामा जोखिम कम गर्न भन्दै सरकारले निषेधाज्ञा जारी गरेकाले लामो समयसम्म व्यवसाय बन्द हुँदा मर्कामा परेकाे उनीहरुले बताएका छन् । त्यसैले अब सुरक्षाका मापदण्ड अपनाएर काम गर्न पाउनुपर्ने उनीहरुको माग छ ।

अटो वर्कशपहरु पनि असुरक्षित नै देखिएको हुनाले सरकारले निषेधाज्ञा जारी गर्नुभन्दा पहिले नै व्यवसाय बन्द गरिएको नेपाल अटोमेकानिक्स व्यवसायी सङ्घका अध्यक्ष ठाकुर न्यौपानेले बताउनुभयो । तर लामो समयसम्म व्यवसाय बन्द हुँदा देशभरिका १० हजार आटोमेकानिक्स व्यवसायी उनीहरुसँग आश्रित ८० हजार मजदुरलाई समस्या भइरहेको उहाँको भनाइ छ ।

उहाँले निषेधाज्ञाको समयमा पनि सामाजिक दुरी कायम गर्दै आफ्नो कार्यक्षेत्रलाई पूर्णरुपमा स्यानिटाइज (निर्मलीकरण) गरी मास्क, पन्जालगायतका स्वास्थ्य सुरक्षाका सामाग्री प्रयोग गरी अत्यावश्यक सवारी साधनहरु मर्मत गरिरहेको उज्यालोलाई जानकारी दिनुभयो । सङ्घका अध्यक्ष न्यौपानेले अब सबै गाडीलाई यसरी नै मर्मत गर्ने वातावरण बनाउनुपर्ने बताउनुभयो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्