काठमाण्डौ उपत्यकामा अनलाइन शिक्षा शुल्कमा एकरुपता कायम गरिने

असोज ५, २०७७ सोमबार ८:४८:२६ | रासस

काठमाण्डौ - काठमाण्डौ उपत्यकामा अनलाइन शिक्षा शुल्कमा एकरुपता कायम गरिने भएको छ ।

सरकारले जारी गरेको निर्देशिकाले पालिकालाई दिएको जिम्मेवारीअनुसार उपत्यका नगरपालिका फोरमले अनलाइन शिक्षा शुल्कमा एकरुपता ल्याउन छलफल थालेको हो । उपत्यका नगरपालिका फोरमका सचिव एवं भक्तपुरको मध्यपुर थिमि नगरपालिकाका प्रमुख मदनसुन्दर श्रेष्ठले शिक्षा शुल्कको विषयमा विभिन्न नगर र महानगरपालिकाका प्रमुख एवं उपप्रमुखसँग छलफल भैरहेको जानकारी दिनुभयो ।

सबैको रायका आधारमा फोरमले शुल्क निर्धारणका लागि आवश्यक निर्णय गरेर सरकारलाई सिफारिस गर्ने उहाँले जानकारी दिनुभयो । कोरोना सङ्क्रमण बढ्दै गएपछि काठमाण्डौ उपत्यका प्रभावित भैरहेको भन्दै उहाँले त्यसको नियन्त्रणका उपायहरुबारे समेत छलफल थालिएको बताउनुभयो ।

उपत्यका नगरपालिका फोरम यसअघि सार्वजनिक गाडी तत्काल सञ्चालन गर्न नहुने पक्षमा थियो । तर सरकारले सार्वजनिक यातायात सञ्चालन गर्ने निर्णय भएपछि उपत्यकामा थप जोखिम बढेको फोरमले जनाएको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्