मन्त्रिमण्डल हेरफेरबारे ओली र प्रचण्डबीचको आजको छलफल स्थगित

असोज १०, २०७७ शनिबार १९:११:३७ | उज्यालो सहकर्मी

काठमाण्डौ - प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच आज हुने भनिएको छलफल स्थगित भएको छ ।

बेलुकीतिर हुने भनिएको छलफल विशेष कारणवश आजका लागि स्थगित भएको अध्यक्ष प्रचण्डका प्रेस सल्लाहकार विष्णु सापकोटाले उज्यालोलाई जानकारी दिनुभयो । यसअघि उहाँले नै आज बेलुकीतिर दुई अध्यक्षबीच मन्त्रिमण्डल हेरफेरबारे छलफल हुन लागेको जानकारी गराउनुभएको थियो ।

पार्टीले दुई अध्यक्षलाई मन्त्रिपरिषद् पुनर्गठनबारेको जिम्मेवारी दिए पनि उहाँहरुबीच सहमति जुट्न सकिरहेको छैन । उहाँहरुबीच अबको एक/दुईदिनमै सहमति जुट्ने र मन्त्रिमण्डल हेरफेर हुने नेकपा संसदीय दलका उपनेता सुवासचन्द्र नेम्वाङले बताउनुभयो ।

मन्त्रीहरु हेरफेरको मापदण्डबारे दुई अध्यक्षबीच छलफल भइरहे पनि कसलाई नियुक्ति गर्ने र कसलाई हटाउने भन्नेबारे सहमति जुट्न सकिरहेको छैन । उहाँहरुबीच सबै मन्त्री फेर्ने वा दुई वर्ष पूरा भएकालाई हटाउँने र बाँकी राख्ने तथा राम्रा काम गरेकालाई राख्दै अरुलाई फेरबदल गर्ने भन्ने विकल्पमा छलफल भइरहेको नेकपाका एक नेताको भनाइ छ ।

अन्तिम अपडेट: पुस १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्