अभिनेता शाहिद कपूर, श्रद्धा कपूर र यामी गौतम अभिनित फिल्म ‘बत्ती गुल, मिटर चालु’ को ट्रेलर सार्वजनिक भएको छ । 

यो फिल्म बिजुलीको बिलको समस्यामा आधारित छ । अक्षय कुमारको फिल्म ‘ट्वाइलेटः एक प्रेम कथा’ का निर्देशक श्रीनारायण सिंहले यस फिल्मको निर्देशन गरेका हुन । 

यस फिल्मको छायाँकंन भारतको उत्तराखण्डमा गरिएको हो । शाहिद कपूर र श्रद्धा कपूरको जोडी दोस्रो पटक दर्शकमाझ आइरहेको छ । यसअघि फिल्म ‘हैदर’ मा यो जोडी देखिएका थिए । अर्की अभिनेत्री यामी गौतम पहिलो पल्ट यी दुवैको साथमा काम गरेकी छिन् । 

फिल्ममा यामी गौतमको अतिथि भूमिका रहेका बताइएको छ । सोसल ड्रामामा आधारित यो फिल्म मार्फत बिजुलीको कटौतीपछि पनि बढ्दो बिलको मुद्दालाई उठाइनेछ ।

बिजुलीको बिलको लडाईँ घरदेखि सुरु भएर अदालतसम्म जान्छ र अभिनेता शाहिद कपूर त्यस मुद्दाको वकालतमा उत्रिएका छन् ।  उनको विपक्षमा अभिनेत्री यामी गौतम वकालत गरिरहेकी देखिन्छिन । यो फिल्म सन् २०१८ को सेप्टेम्बर २१ मा प्रदर्शन हुनेछ ।