विपद् जोखिम न्यूनीकरणमा नेपाल दक्षिण एशियाली देशहरुमध्ये कमजोर

असोज २८, २०७७ बुधबार ९:४४:० | उज्यालो सहकर्मी

काठमाण्डाै – विपद् जोखिम न्यूनीकरणका क्षेत्रमा नेपाल दक्षिण एशियाली देशहरुमध्ये कमजोर देखिएको छ ।

नेपालले २०४९ सालमा दक्षिण एसियाकै पहिलो दैवीप्रकोप उद्धार ऐन ल्याएको भए पनि न्यूनीकणका क्षेत्रमा भने कमजोर देखिएको हो । अरु देशहरुले विपद् मन्त्रालय नै खडा गरिसकेका अवस्थामा नेपालले तीन वर्षअघि सन् २०१७ मा मात्रै नयाँ ऐन ल्याएको थियो । तर बल्ल यस वर्ष विपद् जोखिम न्यूनीकरण तथा व्यवस्थापन प्राधिकरण बनाइएको छ ।

अफगानिस्तान, श्रीलङ्का र बङ्गलादेशमा विपद्सम्बन्धी मन्त्रालय नै बनिसकेको छ । यस्तै नेपाल जलवायु परिवर्तनको असरको हिसाबले चौथो, भुइँचालाको जोखिमका हिसाबले ११ औँ र पानीजन्य प्रकोपको हिसाबले ३० औँ स्थानमा रहेको छ ।

भौगर्भिक हिसाबले पनि नेपालको धरातल कमजोर रहेको विज्ञहरु बताउँछन् । नेपालका पूर्वदेखि पश्चिमसम्मको भूभाग वर्षायाममा बाढीपहिरो, हिउँदमा अतिवृष्टि या अनावृष्टि, असिना, हुरी र जुनसुकै समयमा भूकम्पीय दृष्टिले संवेदनशील रहेको भूगर्भविद्हरुको भनाई छ ।

नेपालमा हरेक वर्ष औसत पाँच सयभन्दा धेरै विभिन्न प्रकोपका घटना हुने गरेका विपद् जोखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत अनिल पोखरेलको भनाई छ । पछिल्लो ४५ वर्षमा नेपालमा ४० हजारभन्दा धेरै व्यक्तिले विभिन्न प्राकृतिक विपद्का कारण ज्यान गुमाईसकेका छन् ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्