डोटीका किसान पनि अलैंची खेतीतिर आकर्षित

साउन २६, २०७५ शनिबार १८:४१:५ | विमल बिष्ट

डोटी – डोटीका किसानहरुको अलैंची खेतीमा आर्कषण बढेको छ ।

धान, मकै तथा कोदोलगायतका अन्न बाली उब्जनी हुने खेतीयोग्य जमीनलाई मासेर किसानले धमाधम अलैंची लगाउन थालेका छन् ।

अन्य बालीभन्दा अलैंचीको आम्दानी बढी हुने भएकोले पनि अलैंची खेतीमा किसानको आर्कषण बढेको केआईसिंह गाउँपालिका काफलीका अलैंची खेतीका किसान नारायण धामीले बताउनुभयो ।

उहाँले भन्नुभयो, ‘अलैंचीको मूल्य पनि राम्रो भएको र अन्य खेतीजस्तो बढी मेहनत पनि गर्नुनपर्ने भएकाले यस्को आर्कषण बढेको हो ।’

खोल्सीको कालो सुन भनेर चिनिने अलैंची धान फल्ने खेत मात्र होइन, खोल्सा खोल्सीलगायत सबै ठाउँमा लाग्ने र खेर गएको ठाउँसमेत सदुपयोग गर्न सकिने भएका कारण अलैंचीको विस्तार गर्न थालिएको जोरायल गाउपालिका ५ का अर्का अलैंची किसान सेरबहादुर देउवाले बताउनुभयो ।

यहाँका ग्रामीण क्षेत्रका धेरै घरका करेसाबारीसमेत अलैंचीले ढाकेको छ ।

जेठको तेश्रो हप्तादेखि साउन पहिलो सातासम्म अलैंचीको बिरुवा रोप्ने गरिन्छ ।

यहाँका किसानहरुले पूर्वी नेपालको ईलाम, ताप्लेजुङ लगायतका ठाउँहरुबाट अलैंचीका बिरुवाहरु ल्याएर खेती गर्न थालेको स्थानीय किसानहरु बताउँछन् ।

डोटीमा पहिलो पटक किसानहरुले अलैंची लगाएर व्यावसायिक खेती गर्न थालेका हुन् ।

यहाँका किसानहरुले सयांै रोपनी खेतहरुमा अलैंची लगाएको बताइएको छ ।

अहिले भने अलंैचीका बिरुवाका पातमा रोग लागेर केही पात सुक्दै जान थालेपछि किसानहरु चिन्तित भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्