पोल्याण्ड पठाउने भन्दै ठगी गर्ने दुई युक्रेनी नागरिक पक्राउ

साउन ३०, २०७५ बुधबार १६:३०:२७ | उज्यालो सहकर्मी

काठमाडौं – पोल्याण्ड पठाउने भन्दै ठगी गर्ने दुई जना युक्रेनी नागरिक पक्राउ परेका छन् ।

पर्यटक भिसामा नेपाल आएका विल्ली भिटाली र नाटालियाले कामदार भिसामा पोल्याण्ड पठाउने भन्दै ठगी गरेको भेटिएपछि उनीहरुलाई पक्राउ गरिएको हो ।
पीडितको उजुरीको आधारमा वैदेशिक रोजगार विभाग र प्रहरीको अपराध अनुसन्धान महाशाखाले बुधबार छापा मारेको थियो ।

उनीहरुले फेसबुक, ट्वीटर लगायतका सामाजिक सञ्जालमा आफ्नो प्रचार गर्ने गरेका र सम्पर्कमा आएका व्यत्तिबाट सुरुमै २ लाख रुपैयाँ माग्ने गरेको खुलेको छ । अन्तिम अन्तवार्ताका लागि भारत जानुपर्ने र ७ लाख रुपैयाँसम्म खर्च लाग्ने बताउने गरेको पीडितले उजुरी दिएका थिए ।

उनीहरुले ‘पिपल फर वर्क’ नामको कम्पनी दर्ता गरेको र काठमाडौंको शंकरदेव क्याम्पस अगाडि कार्यालय नै सञ्चालन गरेको भेटिएको छ । उनीहरुले कम्पनी रजिष्टारमा दर्ता गर्दा सफ्टवेयर तथा सूचना प्रविधीमा काम गर्ने उद्देश्य राखेको पाइएको छ ।

कार्यालयमा उपलब्ध सबै सामान पनि जफत गरी उनीहरुका बारेमा थप अनुसन्धान भइरहेको प्रहरीले जनाएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्