नेप्से साढे ८ अङ्कले बढ्यो, कारोबार रकम ४ अर्बभन्दा कम

पुष १३, २०७७ सोमबार १५:२७:३८ | उज्यालो सहकर्मी

काठमाण्डाै – आइतबार ४० अङ्कले घटेको शेयर बजार सोमबार भने सामान्य बढेको छ ।

नेप्से सोमबार ८ दशमलव ५७ अङ्कले बढेर २ हजार ७ दशमलव २९ विन्दुमा पुगेको छ । कारोबार सुरु भएको केहीबेरमा घटेर १९ सय ८५ विन्दुसम्म झरेको नेप्से बन्द हुने बेलामा भने उकालो लागेको हो ।

उत्पादन समूहको शेयर ९५ अङ्कले बढेको छ भने निर्जीवन बीमा समूहको शेयर ७५ अङ्कले उकालो लागेको छ । यस्तै जीवन बीमाको २९, बैंकिङ समूहको नौ, होटलको तीन र माइक्रोफाइनान्स समूहको शेयर ६ अङ्कले बढेको छ ।

सोमबार २ सय १४ कम्पनीका ७४ लाख ९७ हजार कित्ता शेयर ३ अर्ब ८५ करोड रुपैयाँमा किनबेच भए । सबैभन्दा धेरै एनआईसी एसिया बैंक, नागरिक लगानी कोष र नेपाल लाइफ इन्स्योरेन्स कम्पनीको शेयर ३० करोड रुपैयाँभन्दा धेरैका दरले कारोबार भएको छ । नारायणी विकास बैंक र सेन्ट्रल फाइनान्सका शेयरधनीले नौ प्रतिशतभन्दा धेरै कमाएका छन् ।

समग्र बजार बढे पनि समिट लघुवित्त र समृद्धि फाइनान्सका लगानीकर्ताले तीन प्रतिशतभन्दा धेरैका दरले गुमाएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्