काठमाण्डाै – नेपाल कम्युनिस्ट पार्टी (नेकपा) को प्रचण्ड–नेपाल समूहको विद्यार्थी सङ्गठन अनेरास्ववियुले काठमाण्डौमा निकालेको बयलगाडा जुलुसमा प्रहरीले हस्तक्षेप गरेको छ ।

थापाथलीबाट बयलगाडा प्रदर्शनसहित माइतीघर पुगेको जुलुसलाई रोक्ने क्रममा प्रहरी र विद्यार्थीबीच झडप भएको छ । झडपका क्रममा केही विद्यार्थी सामान्य घाइते भएको अनेरास्ववियुका सहसंयोजक रञ्जित तामाङले जानकारी दिनुभयो ।

२०६२/०६३ को जनआन्दोलन चलिरहँदा केपी शर्मा ओलीले यो आन्दोलनले गणतन्त्र ल्याउँछौँ भन्नु र बयलगाडा चढेर अमेरिका जान्छौँ भन्ने एउटै भएको प्रतिक्रिया दिनुभएको थियो । ओलीको त्यो भनाइलाई लिएर अहिले पनि उहाँलाई गणतन्त्र विरोधी भएको भन्दै अनेरास्ववियुले बयलगाडा जुलुस गरेको हो ।