न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाण्डाै - आज राष्ट्रिय योग दिवस । ‘गरौँ योग डटेर, कोभिड जान्छ हटेर’ भन्ने नारासहित आज योग दिवस मनाइँदै छ ।
योगलाई जीवन विज्ञान र जीवनशैलीका रुपमा निरन्तरता दिन २०७२ सालदेखि हरेक वर्ष माघ १ गते सरकारको आह्वानमा योग दिवस मनाइने गरिएको छ । बदलिँदो जीवनशैलीका कारण उत्पन्न हुने विभिन्न किसिमका शारीरिक रोग तथा मानसिक तनाव समाधान गर्न योगलाई प्रभावकारी मानिन्छ ।
पछिल्लो समय देखिँदै आएका कतिपय स्वास्थ्य समस्याहरु योग गरे समाधान हुने डाक्टरहरु बताउँछन् । यसैबीच प्रधानमन्त्री केपी शर्मा ओलीले योग र औषधिजन्य वनस्पतिको प्रयोगलाई हरेक नागरिकको दैनिकीमा जोड्नुपर्ने बताउनुभएको छ ।
योग दिवसको अवसरमा शुभकामना दिँदै प्रधानमन्त्रीले शारीरिक एवम् मानसिक रुपले स्वस्थ र निरोगी नागरिक समृद्ध नेपाल, सुखी नेपालीको एउटा आधार भएको उल्लेख गर्नुभएको छ । प्रधानमन्त्री ओलीले दिवसले योग अभ्यासमा सही ढङ्गले लाग्न र यससम्बन्धी खोज अनुसन्धान गरी तथ्यपरक कुराअगाडि ल्याउन सहयाेग पुग्ने विश्वास पनि व्यक्त गर्नुभएको छ ।