सप्तरीमा आगलागीबाट चार घर जले, २० लाख रुपैयाँभन्दा बढीको क्षति

माघ ५, २०७७ सोमबार १२:१९:६ | उज्यालो सहकर्मी

सप्तरी - सप्तरीको हनुमाननगर कङ्कालिनी नगरपालिका सकरदही टोलमा आगलागी हुँदा चार घर जलेका छन् ।

कङ्कालिनी–२ सकरदहीका जगन सुतिहारको गाई/गोठबाट सुरु भएको आगोले नारायण सुतिहार, दुर्गानन्द सुतिहार र सुमित मगरदैताको घर जलेर नष्ट भएको वडाध्यक्ष सन्तोष गोइत यादवले जानकारी दिनुभयो ।

आगलागीबाट खाद्यान्न, लत्ताकपडा, नगदसहित २० लाख रुपैयाँभन्दा बढीको क्षति भएको प्रारम्भिक अनुमान गरिएको पनि उहाँले बताउनुभयो ।

आगो स्थानीयबासीन्दा, वारुणयन्त्र तथा सुरक्षाकर्मीको टोलीले निभाएका छन् ।

अन्तिम अपडेट: चैत २४, २०८०

सप्तरीमा आगलागीबाट चार घर जले, २० लाख रुपैयाँभन्दा बढीको क्षति

तपाईको प्रतिक्रिया