छबिस हत्या प्रकरण : चैनपुरमा प्रदर्शन

माघ १४, २०७७ बुधबार १६:३:४८ | डीबी बिष्ट

बझाङ – छविसपाथिभेरा गाँउपालिका ३ का २७ वर्षीय अमृत सिंहको खुडा प्रहारबाट हत्या भएकाे विराेधमा नेपाल विद्यार्थी सङ्घ (नेविसङ्घ) ले सदरमुकाम चैनपुर बजार र लामो तथा छोटो दुरीमा चल्ने गाडी बिहानैदेखि बन्द गरेका छन् । उनीहरुले हत्याराका योजनाकारलाई कारबाही गर, निष्पक्ष छानबिन गर जस्ता नारा लगाउँदै बजार परिक्रमा गरेका. थिए ।

छविसपाथिभेरा गाँउपालिकामा रहेको बान्नीचौर माविको विद्यालय व्यवस्थापन समिति गठन भएको विषयमा यो घटना घटेको हुन सक्ने प्रहरीले आशङ्का गरेको छ । विद्यालय व्यवस्थापन समिति गठन गर्दा सहमति हुन नसकेपछि नेकपा र नेपाली कांग्रेस पक्षबीच चुनाव भएको स्थानीयले बताएका छन् । चुनावपछि नै यो घटना भएको बताइएको छ ।

यसैबीच हत्या आरोपमा वडाध्यक्षसहित चार जना पक्राउ परेका छन् । छबिस पाथिभेरा गाउँपालिका ३ का अमृत सिंहको हत्यामा संलग्न भएको आरोपमा छबिस पाथिभेरा २ का वडाध्यक्ष विकास ऐडी, स्थानीयवासी प्रकाश ऐडी, केदार ऐडी र ज्ञानबहादुर कठायतलाई पक्राउ गरिएको जिल्ला प्रहरी कार्यालय बझाङले जनाएको छ ।

डीएसपी खड्काले घटनाबारे अनुसन्धान भइरहेको बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्