दुर्घटना न्यूनीकरण गर्न ट्राफिक कोन

माघ १५, २०७७ बिहीबार ८:३:४१ | उज्यालो सहकर्मी

काठमाण्डौ - महानगरीय ट्राफिक प्रहरी महाशाखाले सडक विभाग, पालिका तथा विभिन्न सङ्घ संस्थासँगको समन्वयमा गाडी दुर्घटना न्यूनीकरण गर्न सडकमा टल्कने ट्राफिक कोन राखेको छ।

महाशाखाले काठमाण्डौ उपत्यकाको चक्रपथभित्र आठ तथा चक्रपथ बाहिरका २६ ठाउँमा गरी बढी दुर्घटना हुने ३३ ठाउँसमेत पहिचान गरेको छ ।

ती ठाउँका सडकमा विशेष गरी रातको समयमा सडकबत्ती नहुँदा अँध्यारोका कारण जेब्राक्रशिङ तथा जथाभाबी बाटो काट्ने पैदलयात्री र तीव्र गतिमा गाडी चलाउँदा दुर्घटनाको जोखिम उच्च रहेको महाशाखाले जनाएको छ ।

महाशाखाका प्रमुख प्रहरी वरिष्ठ उपरीक्षक जनक भट्टराईले तीव्र गतिका कारण हुने दुर्घटना न्यूनीकरण गर्न बढी दुर्घटना हुने ठाउँमा रातको समयमा समेत टल्कने कोनद्वारा स्पीड ब्रेकर बनाएर गति नियन्त्रण गरिएको जानकारी दिनुभयो । उहाँकाअनुसार यस्ता कोन उपत्यकाको विभिन्न सडकखण्डमा ४३० थान राखिएको छ ।

एयरपोर्ट गेट, कार्गो, तिलगङ्गा, बालकुमारी, भाटभटेनी ओराला, बल्खु चोक, सीतापम्प, खसीबजार, सीतापाइला उकालो, बाफल, सानो भर्‍याङ, वनस्थली, बबरमहललगायतको सडकखण्डमा ट्राफिक कोन राखिएको र यसलाई पछिसम्म निरन्तरता दिइने महाशाखाले जनाएको छ ।

यसअघि पनि महाशाखाले ललितपुर महानगरपालिकासँग समन्वय गरी यही पुस १३ गते बालकुमारीदेखि सानेपासम्मका विभिन्न १३ ठाउँमा २०० थान ट्राफिक कोन राखेको थियो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्