म्यानमारमा नवाैँ दिन पनि प्रदर्शन हुँदै, नेतृ सुकीलाई रिहा गर्न माग

फागुन २, २०७७ आइतबार १४:३२:४१ | एजेन्सी

काठमाण्डाै – म्यानमारमा भएकाे सैन्य 'कू' को विरोधमा नवौँ दिन पनि प्रदर्शन भइरहेको छ ।

विभिन्न सहरमा भइरहेको प्रदर्शनमा हजारौँ नागरिक सहभागी भएको बीबीसीले जनाएको छ । उनीहरुले म्यानमारमा लोकतन्त्र कायम राख्न माग गरिरहेका छन् र चाँडो भन्दा चाँडो नेशनल लिग फर डेमोक्रेसी (एनएलडी) की नेतृ आङ सान सुकी रिहा भएको हेर्न चाहिरहेका छन् ।

म्यानमारको सबैभन्दा ठूलो सहर यङ्गोनमा इञ्जिनियरका विद्यार्थीहरुले सेतो कपडा लगाएर प्रदर्शन गरेका छन् । उनीहरुले हातमा नेतृ सुकीको समर्थनमा नारा लेखिएका पोस्टर लिएका थिए ।

गएको १ फेब्रुअरीमा म्यानमारको सेनाले 'कू' गर्दै शासन सत्ता आफ्नो हातमा लिएको घोषणा गर्दै लोकतान्त्रिक पद्धतिबाट चुनिएका नेताहरुलाई हिरासतमा लिएको थियो । जसमा नेतृ आङ सान सुकी, राष्ट्रपति विन मिन्टलगायत छन् ।

सैन्य 'कू' को विरोधमा भएको आन्दोलनमा अहिलेसम्म झण्डै चार सय प्रदर्शनकारीलाई पक्राउ गरिएको बताइएको छ ।

म्यानमारको सबै सहरमा प्रहरी र सेनाको वाहनले गस्ती गरिरहेको छ । नागरिकमा सैन्य कारबाहीको डर पनि छ तर यी सबैका बीच प्रदर्शन रोकिएको छैन ।

यङ्गोनमा भएको एक प्रदर्शनमा नागरिकहरुले ‘रातमा नागरिकलाई पक्राउ गर्न बन्द गर’ भन्दै नारा लगाएका छन् ।

यसअघि म्यानमारको सेनाले २३ हजारभन्दा धेरै कैदीलाई रिहा गर्ने घोषणा गरेको थियो । यसलाई लिएर आफ्ना प्रदर्शनमा अनुशासन भङ्ग हुने हो कि भन्ने स्थानीयमा डर छ ।

म्यानमारको भएको सैन्य 'कू' को विरोधमा विभिन्न देशले कडा निन्दा गर्दै लोकतन्त्रको पुनस्र्थापना हुनुपर्ने बताइसकेका छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

म्यानमारमा नवाैँ दिन पनि प्रदर्शन हुँदै, नेतृ सुकीलाई रिहा गर्न माग

तस्बिर : एजेन्सी/रासस

तपाईको प्रतिक्रिया