उखु किसान र चिनी उद्योगीको वार्ता विना निष्कर्ष

जेठ १७, २०७५ बिहीबार ७:५९:४६ | उज्यालो सहकर्मी

महोत्तरी, जेठ १७ – उखु उत्पादक कृषक संघ महोत्तरीका प्रतिनिधि र एभरेष्ट चिनी उद्योग रामनगरका प्रतिनिधिबीचको वार्ता विना निष्कर्ष सकिएको छ । जनकपुरमा भएको पहिलो चरणको वार्ता विना निष्कर्ष सकिएको हो ।

उखु उत्पादक कृषक संघ महोत्तरीका पूर्वअध्यक्ष एवम वार्ता समितिका सदस्य महाशंकर थिङ्गले चिनी उद्योगीले भुक्तानीका लागि बैंकमा ऋणको प्रकृया अघि बढाइरहेकाले एक महिनाको समय मागेपछि वार्ता अगाडि बढ्न नसकको जानकारी दिनुभयो ।

किसान प्रतिनिधिले चिनी उद्योगले उखु खरिद गरेको ४५ दिनभित्र किसानको खातामा पैसा राख्नुपर्ने सहमति कार्यान्वयनको माग गर्दै आए पनि उद्योगीले वर्षौँसम्म पनि किसानको पैसा नदिने गरेका छन् । पैसा किसानको खातामा नगएसम्म आन्दोलन जारी रहने पूर्व अध्यक्ष थिङ्गले बताउनुभयो ।

वार्ता असफल भएपछि अब दोस्रो चरणको आन्दोलन घोषणा गर्ने उखु उत्पादक कृषक संघका अध्यक्ष नरेशसिंह कुशवाहाले बताउनुभयो ।

एभरेष्ट चिनी मिलले यो सिजनमा क्रसिंग गरेको उखुको पौने २ अर्ब रुपैयाँ भुक्तानी गर्न आलटाल गरेपछि उखु किसान आन्दोलनमा उत्रेका हुन् । उखु उत्पादक कृषक संघको नेतृत्वमा जेठ ६ गतेदेखि महोत्तरीका उखु किसान चिनी उद्योगको प्रशासनलगायत मुलगेटमा तालाबन्दी गरेर धर्नामा बसेका हुन् ।

अन्तिम अपडेट: चैत ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्