धुलोले घरमा बस्नै नसक्ने भएपछि स्थानीयले गरे चक्काजाम

जेठ १७, २०७५ बिहीबार ११:५:५ | उज्यालो सहकर्मी

महोत्तरी, जेठ १७ – धुलोले जनजीवन अस्तव्यस्त भएपछि महोत्तरीको वर्दिबासमा विहीबार बिहान स्थानीयले चक्काजाम गरेका छन् । बर्दिबास नगरपालिका क्षेत्रमा पर्ने बर्दिबास–औरही–जलेश्वर सडक खण्डमा गाडी ओहोरदोहोर गर्दा अत्याधिक मात्रामा धुलो उडेपछि स्थानीयले गाडी चलाउन रोक लगाएका हुन् ।

वर्दिबास नपा–२ आदर्श टोल विकास संस्थाको अगुवाईमा गाडी चलाउन रोक लगाइएको हो । सडकको धुलोले हैरान बनाएको भन्दै स्थानीयले नगरपालिका कार्यालयमा एक महिना अघि नै नियन्त्रणका लागि ज्ञापनपत्र बुझाएका थिए ।

भर्खरै सडक डिभिजन कार्यालय जनकपुरले माटो हालेर भत्किसकेको सडकको खाल्डाखुल्डी सम्याएपछि झन् धुलो उड्न थालेको छ । आदर्श टोल विकास संस्थाका अध्यक्ष दीपेन्द्र झाले धुलोले घरमा पनि बस्न नसकेपछि आन्दोलनमा उत्रिएको प्रतिक्रिया दिनुभयो ।

उनीहरुले तुरुन्त पानी छर्किएर धुलो कम गरेर सवारी सञ्चालन गर्न, सडकको स्तरोन्नतिका लागि अहिलेबाट आवश्यक काम सुचारु गर्न र भत्केको सडकमा ग्राभेल गर्न पनि माग गरेका छन् ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्