नयाँ करदाताको सङ्ख्या निरन्तर घट्दै, प्यान लिने ३८ लाख नाघे

चैत ५, २०७७ बिहीबार १४:२८:१४ | उज्यालो सहकर्मी

काठमाण्डाै – नयाँ करदाताको सङ्ख्या घट्दै गएको छ । स्थायी लेखा नम्बर (प्यान), मूल्य अभिवृद्धि कर (भ्याट) र अन्तःशुल्क तीन वटै क्षेत्रमा नयाँ करदाताको सङ्ख्यामा कमी आएको अर्थ मन्त्रालयले जनाएको छ ।

अघिल्लो आर्थिक वर्षको पहिलो सात महिनामा एक लाख ६६ हजार चार सय ६४ जनाले नयाँ व्यावसायिक प्यान लिएकाेमा याे वर्षको सात महिना अर्थात् साउनदेखि माघसम्म एक लाख ५९ हजार जना मात्रै थपिएका छन् ।

व्यक्तिगत प्यानतर्फ गएकाे वर्षको सात महिनामा आठ लाख ६३ हजार थपिएकोमा अहिले तीन लाख २५ हजार मात्रै थपिएका छन् । समग्रमा अघिल्लो आर्थिक वर्षको सात महिनामा १० लाख ३२ हजार नयाँ प्यान जारी भएकोमा यो वर्षको सात महिनामा जम्मा चार लाख ८८ हजार मात्रै नयाँ प्यान जारी भएका छन् ।

यस्तै भ्याटमा अघिल्लो आर्थिक वर्षको सात महिनामा ३६ हजार सात सय ४० करदाता थपिएकोमा यो वर्षको सात महिनामा २२ हजार ६ सय मात्रै थपिएका छन् ।

अन्तःशुल्कमा अघिल्लो वर्षको सात महिनामा १८ हजार तीन सय करदाता थपिएकोमा अहिले जम्मा १३ हजार पाँच सय जना मात्रै थपिएका छन् ।

यसैबीच नेपालमा प्यान लिनेको सङ्ख्या ३८ लाख २५ हजार नाघेको छ । अर्थ मन्त्रालयका अनुसार माघ महिनासम्म नेपालमा ३८ लाख २५ हजार नौ सय ४६ जनले प्यान लिएका छन् । यसमध्ये २२ लाख ९९ हजारले व्यक्तिगत र १५ लाख १८ हजार नौ सय ३३ जनाले व्यावसायिक प्यान लिएका छन् ।

यस्तै करकट्टी गर्ने निकायले लिएको प्यानको सङ्ख्या सात हजार सात सय रहेको छ । यस्तै भ्याटमा दर्ता हुने करदाताको सङ्ख्या दुई लाख ७८ हजार ६ सय २४ पुगेको छ । अन्तःशुल्कमा दर्ता हुने करदाताको सङ्ख्या एक लाख सात हजार आठ सय रहेको छ ।

अन्तिम अपडेट: माघ २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्