६ दिनअघि अड्किएको पानीजहाज सारिएपछि सूइज नहरको अवरोध खुल्यो

चैत १६, २०७७ सोमबार १४:२७:४७ | एजेन्सी

काठमाण्डाै – एसिया र युरोपबीच सबैभन्दा छोटो जलमार्गमा पर्ने सूइज नहरमा अड्किएको एउटा विशाल पानीजहाजलाई सारिएको छ । गएको मङ्गलवार अड्किएको एभर गिभन नामको जहाजको अघिल्लो भागलाई नहरको किनारातिर तानेर बन्द भएको बाटो खुला गरेको बीबीसीले जनाएको छ ।

इजिप्टको स्वामित्वमा रहेको सूइज नहर एक सय ९३ किलोमिटर लामो छ । जसलाई संसारको एउटा अति व्यस्त व्यापारिक मार्ग मानिन्छ । एभर गिभन पानीजहाजका कारण जलमार्ग बन्द हुँदा सूइज नहरमा संसारकै सबैभन्दा महँगो ट्राफिक जाम भएको बताइएको थियो ।

सूइज नहरबाट सन् २०२० मा मात्रै १९ हजार पानीजहाज ओहोरदोहोर गरेको तथ्याङ्कले देखाउँछ । सूइज नहरको बाटोबाट विश्वको १२ प्रतिशत व्यापार हुने गरेको बताइन्छ ।

एभर गिभनलाई सार्न गएको आइतवार त्यसबाट २० हजार वटा कन्टेनर निकालेको बीबीसीले जनाएको छ । अड्किएको पानीजहाज चार सय मिटर लामो र ५९ मिटर चौडा छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्