शेयर बजार ५४ अङ्कले बढ्दा सात अर्ब ३६ करोड रुपैयाँको कारोबार

वैशाख १९, २०७८ आइतबार २०:३५:५१ | उज्यालो सहकर्मी

काठमाण्डौ – नेप्से परिसूचक आज ५४ अङ्कले बढेको छ । कारोबार हुने हप्ताको पहिलो दिन आज परिसूचक बढेर २६ सय ६५ भन्दा माथि पुगेको नेपाल स्टक एक्सचेन्ज लिमिटेडले जनाएको छ ।

आज कारोबार हुने सबै समूहको सूचक बढेका छन् । सबैभन्दा धेरै जीवन बीमा समूहको ६३२ दशमलव १८, निर्जीवन बीमा समूहको ४४८ दशमलव ७८, उत्पादनमूलक समूहको १५० दशमलव ७२ तथा होटल र पर्यटन समूहको सूचक १११ दशमलव १७ अङ्कले बढेको छ ।

आज दिनभर सात अर्ब ३६ करोड रुपैयाँभन्दा धेरै मूल्यका एक करोड ५८ लाखभन्दा धेरै कित्ता शेयर किनबेच भएका छन् । सबैभन्दा धेरै नेपाल क्रेडिट एण्ड कमर्सियल बैंक लिमिटेडको ४२ करोड रुपैयाँभन्दा धेरैको शेयर कारोबार भएको छ । यस्तै नेपाल रिइन्स्योरेन्स कम्पनी लिमिटेडको ४० करोडभन्दा धेरैको शेयर कारोबार भएको छ ।

आज विशाल बजार कम्पनी लिमिटेड, महिला लघुवित्त वित्तीय संस्था लिमिटेड र सिंगटी हाइड्रो इनर्जी लिमिटेडको सेयर मूल्य सबैभन्दा धेरै झण्डै १० प्रतिशतले बढेको छ । बजार बढेको दिन पनि आज सनराइज फस्ट म्युचल फण्डलगायत कम्पनीको शेयर मूल्य भने झण्डै दुई प्रतिशतले घटेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्