काठमाण्डाै – अमेरिका अर्बपतिहरूले निकै कम आयकर (ट्याक्स) बुझाउने गरेकाे एक न्युज वेबसाइटले दाबी गरेकाे छ । 

प्रोपब्लिका मा लिक भएकाे जानकारीअनुसार अमेरिकामा २५ सबैभन्दा धनी व्यक्ति औसत आफ्नाे आयकाे मात्र १५ दशमलव ८ प्रतिशत ट्याक्स तिर्छन् । याे अमेरिकाकाे आम कामदारकाे तुलनामा निकै कम हाे । 

प्रोपब्लिकाले जेफ बेजोस, एलनन मस्क र वारेन बफेटसहित विश्वका सबैभन्दा धनी व्यक्तिहरूको कर चुक्ता दस्ताबेज देखेको बताएको छ।

वेबसाइटले एमेजनका बेजाेसले सन् २००७ र २०११ मा कुनै ट्याक्स नभरेकाे र टेस्लाका मस्कले २०१८ मा ट्याक्स नभरेकाे आराेप लगाएकाे छ । 

यी दाबी पुष्टि गर्न नसकिएकाे बीबीसीले जनाएकाे छ । 

आउँदा हप्तामा अझ धेरै जानकारी सार्वजनिक गर्ने प्राेपब्लिकाले बताएकाे छ । 

ह्वाइट हाउका प्रवक्ताले यस लिकलाई अवैध बताउँदै एफबीआई र आयकर विभागका अधिकारीले यसबारेमा जाँच गर्ने बताउनुभएकाे छ । 

धनी व्यक्तिले कम ट्याक्स भर्ने गर्छन् जसका कारण आर्थिक विषमताकाे खाडल झन् बढिरहेकाे छ भन्ने विषयमा बहस भइरहेका बेला याे जानकारी लिक भएकाे हाे ।