भूकम्प पीडितलाई आवास अनुदानको किस्ता कात्तिक मसान्तसम्म लिइ सक्न आग्रह

असार १८, २०७८ शुक्रबार १८:३३:३१ | उज्यालो सहकर्मी

काठमाण्डाै – भूकम्प पीडितलाई आवास अनुदानको किस्ता कात्तिक मसान्तसम्म लिइ सक्न राष्ट्रिय पुनर्निर्माण प्राधिकरणले आग्रह गरेको छ । राष्ट्रिय पुनर्निर्माण प्राधिकरण कार्यकारी समितिको बैठकले अहिलेसम्म पनि अनुदान सम्झौता गर्न नसकेका वा अनुदानको किस्ता लिन नसकेका लाभग्राहीलाई कात्तिक मसान्तभित्र तेस्रो किस्ता लिने गरी घर पुनर्निर्माण गर्न अनुरोध गरेको हो ।

समितिको बैठकले पुनर्निर्माण तथा प्रबलीकरण लाभग्राहीलाई सम्बन्धित पालिकामा यथाशीघ्र निवेदन दिन पनि अनुरोध गरेको छ । अनुदान सम्झौता गर्न वा बाँकी किस्ता प्राप्त गर्न लाभग्राहीले प्राधिकरणले तयार गरेको कबुलियतनामा फाराम भर्नुपर्नेछ । लाभग्राही प्राधिकरणले तोकेको मापदण्ड र समयसीमाअनुसार पुनर्निर्माण गर्न मञ्जुर हुनुपर्नेछ । त्यसलाई सम्बन्धित वडाध्यक्षले सिफारिससमेत गर्नुपर्नेछ ।

त्यसैगरी बैठकले निर्माण भइसकेका निजी आवास निर्धारित मापदण्डअनुसार सुधार गर्नुपर्ने भनी सम्बन्धित प्राविधिकले गरेको सिफारिसअनुसार सुधार गर्न सहमत लाभग्राहीलाई अनुदानको बाँकी किस्ता भुक्तानी गर्ने पनि निर्णय गरेको छ ।

त्यस्तै कार्यकारी समितिले विविध कारणवश अहिलेसम्म जग्गा खरिद गर्न नसकी पुनर्निर्माण गर्न नसकेको भूमिहीन वा जोखिम बस्तीका लाभग्राहीलाई आउँदो भदौ मसान्तसम्म जग्गा खरिद गरिसक्न पनि आग्रह गरेको छ । यस्ता लाभग्राहीले पनि कात्तिक मसान्तसम्म अनुदानकाे किस्ता लिने गरी घर निर्माण गर्नुपर्नेछ ।

२०७२ सालको भूकम्पपछि अहिलेसम्म आठ लाख ५८ हजार दुई सय ८२ जना पुनर्निर्माण लाभग्राही बनेका छन् । जसमध्ये ९५ दशमलव ३७ प्रतिशत अर्थात् आठ लाख १८ हजार ६ सय २४ जनाले अनुदान सम्झौता गरेका छन् ।

अनुदान सम्झौता गरेकामध्ये पहिलो किस्ता लिने घरधुरी आठ लाख १६ हजार ६ सय, दोस्रो किस्ता लिने सात लाख २७ हजार तीन सय २८ र तेस्रो किस्ता लिने घरधुरी ६ लाख ६५ हजार दुई सय ३३ छन् । अनुदान सम्झौता गरेकामध्ये ७४ दशमलव ६८ प्रतिशत अर्थात् ६ लाख ११ हजार दुई सय ४१ घरधुरीले निजी आवास पुनर्निर्माण सम्पन्न गरिसकेका छन् ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

अनिल बस्नेत
July 4, 2021, 12:11 a.m.
पुर्न क्षति भएकाे घर आम्सिक क्षति मा नाम निस्कियाे । पछि आम्सिक क्षति भयकाले घर बनायर पुरानाे घर भत्काऊने अनि पुर्न क्षतिकाे रकम आऊछ भन्ने कुरा भयकाे मा दाेस्राे किस्ता नआयकाे । वडा मा कुरा गर्दा जिल्ला बाटै नाम नआयकाे भन्ने खवर पाईयाे । कसरि शमाधान हाेल।पहिलाे किस्ता लिएर घर बनाउन शम्झाैता गरि घर बनाएकाे ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भूकम्प पीडितलाई आवास अनुदानको किस्ता कात्तिक मसान्तसम्म लिइ सक्न आग्रह

1 Comments

अनिल बस्नेत

तपाईको प्रतिक्रिया

तपाईको प्रतिक्रिया