काठमाण्डाै - आज मनसुन केही कम सक्रिय रहेको जल तथा मौसम पूर्वानुमान महाशाखाले जनाएको छ । केही ठाउँमा पानी परेको र कतै घाम लागेको छ । हिजो अस्तिको तुलनामा मनसुन केही कम सक्रिय भएका कारण कतै घाम लागेको र कतै पानी परेको मौसमविद्ले बताएका छन् ।

काठमाण्डौ उपत्यकासहित देशका केही ठाउँमा घाम लागेर मौसम सफा भए पनि दिउँसो भने फेरि बद्ली भइ पानी पर्ने सम्भावना रहेको महाशाखाका मौसमविद् सजिना शाक्यले बताउनुभयो । अहिले सुदूरपश्चिम प्रदेशको केही ठाउँ, गण्डकी र वाग्मती प्रदेशको धादिङ जिल्ला आसपासका केही ठाउँमा पानी परिरहेको छ ।

गएराति इलामको शोक्तिम चिया बगान क्षेत्रमा ठूलो पानी परेको छ । आज दिउँसो प्रदेश एक, वाग्मती र सुदूरपश्चिम प्रदेशको एक/दुई ठाउँमा ठूलो पानी पर्ने सम्भावना रहेको छ । भोलि भने देशभर मौसम बद्ली भइ पानी पर्नेछ ।