काठमाण्डाै – नेकपा एमालेका नेता योगेश भट्टराईले प्रतिनिधि सभा पुनर्स्थापना गर्ने सर्वोच्च अदालतको आदेशको सम्मान र स्वागत गर्नुभएको छ । सामाजिक सञ्जाल फेसबुकमार्फत आदेशको सम्मान गर्दै उहाँले पार्टी एकता जोगाउनका लागि संयम र धैर्यताका साथ अघि बढ्न आह्वान पनि गर्नुभएको छ । 

उहाँले लेख्नुभएको छ, ‘सर्वोच्च अदालतको संवैधानिक बेन्चद्वारा प्रतिनिधि सभाको पुनर्स्थापना गर्ने गरी गरेको आदेशको सम्मान र स्वागत गर्दछु । बदलिएको परिस्थितिमा प्रतिनिधि सभाको बाँकी कार्यकालको सुनिश्चिततासहित नेकपा एमालेको एकतालाई जोगाउन एमालेका समस्त नेता र कार्यकर्ता कमरेडहरूमा संयम र धैर्यताका साथ अघि बढ्न आह्वान गर्दछु ।’  

यस्तै नेता भट्टराईले हिजो आइतवार राति भएको १० बुँदे सहमतिलाई इमानदारिताका साथ कार्यान्वयन गर्दै नेकपा एमाले संसदभित्र र बाहिर पनि एकढिक्का रहने छ भन्ने विश्वास व्यक्त गर्नुभएकाे छ ।