जोन्सनको खोप लगाएको १४ दिनपछि साउदी जाँदा संस्थागत क्वरेण्टीन बस्न नपर्ने

साउन ७, २०७८ बिहीबार १३:४६:३५ | उज्यालो सहकर्मी

काठमाण्डौ – जोन्सनको खोप लगाएको १४ दिनपछि साउदी जाँदा त्यहाँ गएर संस्थागत क्वरेण्टीन बस्न नपर्ने भएको छ ।

साउदीमा रहेको नेपाली दूतावासका अनुसार नयाँ जाने र बिदामा आएकाहरू फर्कँदा जोन्सनको खोप लगाएर गएमा त्यहाँ गएर संस्थागत क्वरेण्टीन बस्न पर्ने छैन् । साउदीले फाइजर, अस्ट्राजिनेका, मोडेर्ना र जोन्सन एण्ड जोन्सनको खोपलाई मान्यता दिएको छ ।

त्यसैले साउदी जानेले टिकट काट्दा एयरलाइन्स र ट्राभल एजेन्सीलाई यो कुराको जानकारी गराउन दूतावासले अनुरोध गरेको छ ।

साउदीमा त्यहाँको सरकारले मान्यता दिएको खोप मध्ये फाइजर, अस्ट्राजिनेका, मोडेर्ना खोपको २ वटै डोज लगाइसेका जा जोन्सनको खोप(एक मात्रा मात्र लगाउँदा हुने) लगाएकाले १४ दिन कटेको छ भने संस्थागत क्वरेण्टीन बस्न पर्दैन ।

यसका साथै कोरोना सङ्क्रमण भएर निको भएको ६ महिना कटेको छैन भने पनि साउदी पुगेपछि संस्थागत क्वरेण्टीनमा बस्न पर्दैन । अहिले नेपाल सरकारले जोन्सनको खोप अनिवार्य गरिएका देशमा वैदेशिक रोजगारीमा जाने श्रमिकलाई जोन्सनको खोप लगाइरहेको छ । पासपोर्ट र भिसा लिएर खोप केन्द्रमा गएर खोप लगाउन सकिन्छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्