बझाङ : अविरल वर्षापछि आएकाे बाढीले लघु जलविद्युतको भवन बगायो, तीन जना घाइते

साउन ९, २०७८ शनिबार १८:२३:५२ | डीबी बिष्ट

बझाङ – बिहीबार राति परेको अविरल वर्षाका कारण आएको बाढीले बझाङमा लघु जलविद्युतको भवन बगाएको छ । जिल्लाको मष्टा गाउँपालिका – ५ द्वारीमा रहेको द्वारीगाड लघु जलविद्युत आयोजनाको भवन बगाएको हो ।

करिब १ करोड लागतमा निर्माण सम्पन्न भएको ४२ किलोवाट क्षमता रहेको द्वारीगाड लघुजलविद्युत आयोजनाबाट द्वारी गाउँका करिब ५ सय घरधुरीले उज्यालाे पाएका थिए । तर केही समयदेखि प्राविधिक समस्याका कारण बीचमा अबरुद भएको थियाे । अहिले आएर फेरि निर्माण कार्य चलिरहेको बेला बाढीले भवन बगाएको स्थानीय उब्जन बोहराले बताउनुभयो ।

वर्षाले त्यही दिन द्वारी गाडमाथि रहेकाे द्वारीगाउँकै वारिपारी जोड्ने काठेपुल बगाउँदा आवतजावतमा समेत समस्या भएको छ । आवतजावतमा समस्या हुँदा शुक्रबार पुन: काठेपुल हाल्ने क्रममा गाडले बगाएर तीनजना घाइते भएका छन् । घाइते हुनेमा त्यही गाउँका ४२ वर्षीय नरबहादुर बोहरा, ५५ वर्षीय वडाध्यक्ष कम्मान आग्री, ६५ वर्षका रिउल्या कठायत रहेका छन् । दुईजनाको अवस्था सामान्य भए पनि नरबहादुर बोहराको कम्मरमा गम्भिर चोट लागेकाले थप उपचारको लागि नेपालगञ्ज पठाइएको जिल्ला अस्पताल सिमखेतका प्रमुख डा सन्दीप ओखेडाले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्