पाडाजुगी–उर्लाबारी प्रसारण लाइन निर्माणमा अवरोध, बत्ती जाने समस्या उस्तै रहने

 साउन १२, २०७८ मंगलबार १३:३१:४० | उज्यालो सहकर्मी
unn.prixa.net

काठमाण्डाै - झापाको पाडाजुगीबाट मोरङको उर्लाबारीसम्मको पाडाजुगी–उर्लाबारी ३३ केभी प्रसारण लाइन निर्माणमा स्थानीयले अवरोध गरेका छन् । 

उर्लाबारी नगरपालिका वडा नं ८ अठियाबारीका बासिन्दाले अहिले बत्ती बाल्नका लागि लाइन हुँदाहुँदै अर्को लाइन किन तानेको भन्दै निर्माणमा अवरोध गरेका हुन् । 

पाडाजुगी–उर्लाबारी प्रसारण लाइनको लम्बाइ १६ किलोमिटर छ । प्रशारण लाइन नबन्दा उर्लाबारीमा निर्माण गरिएको ३३ केभी सबस्टेशन सञ्चालनमा ल्याइ विद्युत आपूर्ति हुन सकेको छैन । 

नगर प्रमुख, उपप्रमुख, आन्दोलनकारीलगायतका सरोकारवालासँगको केही दिनअघि छलफल गरी निर्माण सुरु गर्ने विषयमा सहमति भएको थियो । तर, केही व्यक्तिले असहमति जनाउँदै निर्माणमा पुन:अवरोध गरेका हुन् । 

मोरङको उर्लाबारी, रतुवामाई पथरी शनिश्चरे नगरपालिका क्षेत्रका बासिन्दाले बेहोरिरहेको विद्युत् आपूर्तिको समस्या समाधान गर्न प्रसारण लाइन र सबस्टेशन निर्माण सुरु गरिएको हो । एसियाली विकास बैंकको ऋणमा वितरण प्रणाली सुदृढीकरण तथा विस्तार अन्तर्गत सञ्चालित आयोजनाको निर्माण सम्पन्न भएपछि त्यस भेगका करिब ३ लाख उपभोक्ताले गुणस्तरीय र भरपर्दो विद्युत उपभोग गर्न पाउने छन् । अहिले झापाको दमकबाट २ वटा ११ केभी फिडर लाइनमार्फत विद्युत आपूर्ति गरिएको छ । 

लाइनको लम्बाइ अत्याधिक भएकाले सामान्य अवस्थामा समेत विद्युत आपूर्तिमा समस्या आउने गरेको छ भने फिडर लाइनको ओभरलोड र ट्रिपिङको समस्या अत्याधिक छ । 

अन्तिम अपडेट: माघ २१, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • G.P. Subedi

    July 29, 2021, 7:20 p.m.

    सबै भेडा हुन कसैले उचालेको भरमा नबुझीकनै कुर्लने बानि ले समस्या समाधान तिर हैन झन दोब्बर हुँदै जान्छ।

  •  0 Reply

तपाईको प्रतिक्रिया

समाचार

लोकप्रिय

१

एलन मस्क अमेरिकी सरकारकाे विशेष कर्मचारीका रूपमा नियुक्त

२

अमेरिकी सामानमा १५ प्रतिशतसम्म थप कर लगाउने चीनको घोषणा

३

अमेरिकी राष्ट्रपति ट्रम्पलाई दक्षिण अफ्रिकाको जवाफ, किसानको सामूहिक हत्या र जग्गा कब्जाको आरोप अस्वीकार

४

आजदेखि पाठेघरको मुखको क्यान्सरविरुद्धको खोप अभियान : ढुक्क भएर लगाउन आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई