संघीय सरकारले संविधान मिच्यो: आन्तरिक मामिला मन्त्री जमरकट्टेल

भदौ १५, २०७५ शुक्रबार १५:२७:१० | हरि हुमागाईं

मकवानपुर - तीन नम्बर प्रदेशका आन्तरिक मामिला तथा कानुन मन्त्री शालिकराम जमकट्टेलले संघीय सरकारले संबिधान मिचेको आरोप लगाउनुभएको छ ।

प्रदेश मामिला समितिको आयोजनामा संघीयतामा प्रदेशको शासन, सुरक्षा र प्रदेश प्रहरी विषयक एक दिवसीय अन्तरकृया कार्यक्रमको शुक्रबार हेटौंडामा उद्घाटन गर्दै उहाँले अहिले प्रदेशको अधिकार संघीय सरकारले खोजेको आरोप लगाउनुभयो ।

संघीयतामा प्रदेशमा रहने प्रहरी ऐन कस्तो बनाउने भनेर प्रहरी नै बोल्ने बेला आएको बताउँदै जमकट्टेलले भन्नुभयो–‘सुरक्षा सम्बन्धी कानुन बनाई रहदा प्रदेशका प्रमुख डिआइजी, नेपाली सेना, सशस्त्र प्रहरी, अनुसंधान बोल्ने बेला आएको छ ।’

प्रदेश प्रहरी ऐन बनाउनका लागि आफूहरु त्यति नहतारिएको बताउँदै उहाँले भन्नुभयो–‘यो पहिलो चरणको छलफल हो । अब यस्ता छलफलहरु अगाडि बढाएर बिस्तारै प्रदेश प्रहरी ऐन बनाउन तिर लाग्छौ ।’

कार्यक्रममा तीन नम्बर प्रदेशको प्रदेश मामिला समितिका सभापति माधव पौडेलले यस प्रदेशमा शान्ति सुरक्षा कायम गर्नका लागि आफूहरु लागिपरेको बताउनुभयो ।

कार्यक्रममा तीन नम्बर प्रदेशका प्रमुख सचिव आनन्दराज ढकालले प्रदेश सरकारले प्रदेश प्रहरी ऐन ल्याउँदै गरेको बताउनुभयो ।

कार्यक्रममा पूर्व एआइजी केदार साउद, नेपाली सेनाका पूर्वरथी बालानन्द शर्मा लगायतकाले प्रदेश प्रहरी ऐनका विषयमा प्रकाश पार्नुभएको थियो ।

कार्यक्रममा तीन नम्बर प्रदेशका सांसदहरु प्रेमबहादुर पुलामी, राजेन्द्र मान श्रेष्ठ, रिना गुरुङ, केशबप्रसाद पाण्डे लगायतकाले आफ्ना सुझावहरु राख्नुभएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्