श्रम स्वीकृति नवीकरण गर्दै हुनुहुन्छ ? यी कुरा ध्यान दिनुहोस्

असोज १५, २०७८ शुक्रबार १६:१३:२२ | उज्यालो सहकर्मी

काठमाण्डौ – तपाईँ वैदेशिक रोजगारीमा जान अनलाइनमार्फत वा भौतिक रूपमा उपस्थित भएर श्रम स्वीकृति लिँदै हुनुहुन्छ ? यदि लिँदै हुनुहुन्छ भने आवश्यक कागजात र प्रक्रिया बारे पहिला जानकारी राख्न पर्छ ।

अहिले श्रम स्वीकृतिको नवीकरण भौतिक रूपमा उपस्थित भएर र अनलाइन प्रणाली दुवै माध्यमबाट गर्न सकिन्छ । वैदेशिक रोजगार कार्यालय काठमाण्डौले आउँदो आइतबारदेखि शुक्रबारसम्म हरेक दिन शुक्रबार दिनको दुई बजेपछि र भौतिक उपस्थिति तर्फ हरेक दिन नौ बजेपछि र दश बजेर १५ मिनेटको आसपासको समयमा निश्चित सङ्ख्यामा कम्प्युटर प्रणालीमार्फत टोकन खुला गर्ने भएको छ । टोकनको सङ्ख्या सीमित हुने कार्यालयले जनाएको छ ।

तपाईँले आफ्नो टोकन लिएपछि यदि कार्यालयमा उपस्थित हुने हो भने टोकनमा उल्लेख भएको मितिमा श्रम कार्यालय जाँदा लाइन नबसी श्रम नवीकरण गर्न सकिन्छ । सामान्य अवस्थामा कार्यालयले उपस्थित सबैलाई त्यसै दिन श्रम स्वीकृति प्रदान गर्छ ।

यस्तै अनलाइनमार्फत श्रम नवीकरण गर्नेको हकमा भने सबै प्रक्रिया मिलेको छ भने टोकनको मितिले तीनदेखि चार दिन भित्र श्रम नवीकरण भइसक्छ ।

भौतिक रूपमा कार्यालयमै उपस्थित भएर श्रम स्वीकृति लिनेहरूले भने टोकनमा उल्लेख भएको मितिमै र त्यसको भोलिपल्ट भित्र श्रम कार्यालयमा अनिवार्य उपस्थित हुनपर्छ । त्यसपछि भने टोकनको म्याद कम्प्युटर प्रणालीले स्वतः रद्द गर्ने कार्यालयले जनाएको छ ।

दुई दिन भित्र उपस्थित हुन नसक्ने अवस्था छ भने टोकन नओगट्न पनि श्रम कार्यालय ताहाचलले अनुरोध गरेको छ ।

वैदेशिक रोजगारीमा जान उडान हुने मितिसम्म श्रम स्वीकृतिको म्याद ९० दिनभन्दा बढी हुनुपर्छ । त्यसैले जहाजको टिकट काट्नुअघि आफ्नो श्रम अवधि कति छ भनेर अनिवार्य रूपमा यकिन गर्नुपर्छ । नत्र विमानस्थलबाट विदेश प्रस्थान गर्न पाइने छैन ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

भगवत कुमर राई
Aug. 5, 2023, 10:22 a.m.
म मेरो श्रम नविकरण गर्न चाहान्छु।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रम स्वीकृति नवीकरण गर्दै हुनुहुन्छ ? यी कुरा ध्यान दिनुहोस्

1 Comments

भगवत कुमर राई

तपाईको प्रतिक्रिया

तपाईको प्रतिक्रिया