योगमाया विश्वविद्यालय स्थापनाका लागि दबाब समिति गठन

भदौ १९, २०७५ मंगलबार १४:२७:४४ | बुद्ध तामाङ

भोजपुर – योगमाया न्यौपानेको नाममा स्थापना हुन लागेको योगमाया विश्वविद्यालयको स्थापनाको लागि दबाब दिन षडानन्द नगरपालिका दिङ्लामा ५ सदस्यीय समिति गठन गरिएको छ ।

पूर्वसांसद नरेन्द्र बस्नेतको संयोजकत्वमा नगरपालिकाकी उपमेयर मेरिका राई, षडानन्द सिताराम गुठीका अध्यक्ष कृष्णप्रसाद पौडेल, समाजसेवी दिलकुमार राई र भिमबहादुर तामाङ्ग सदस्य रहेका छन् ।

योगमाया विश्वविद्यालय योगमायाको जन्म तथा कर्मभूमिमा स्थापना गरिनुपर्नेमा जोड दिँदै विश्वविद्यालय स्थापना गर्न धेरै जग्गा आवश्यक पर्ने भएकोले षडानन्द सिताराम गुठीको जग्गाको विधि र प्रक्रिया मिलाएर प्रयोग गर्नुपर्नेमा सहभागीले जोड दिए । गुठीका अध्यक्ष पौडेलले यसवर्ष गुठीको विधान संशोधन गरिएकोले षडानन्द योगमाया विश्वविद्यालय स्थापना गर्न लागि जग्गा व्यवस्थापन गर्न सकिने बताए ।

संघीय सरकारले आर्थिक वर्ष २०७५-७६ को बजेटमा विश्वविद्यालयको स्थापनाको लागि १० करोड बजेट विनियोजन गरेपछि भोजपुरसँगै संखुवासभा, सुनसरी र दाङलगायतका जिल्लाले पनि आफ्नो जिल्लामा योगमाया विश्वविद्यालय गरिदिनका लागि सरकार समक्ष पहल गरिरहेका छन् ।

नगरपालिकाले आयोजना गरेको कार्यक्रममा जनप्रतिनिधि, राजनीतिक दलका प्रतिनिधि, बुद्धिजिवी, शिक्षक, व्यापारी लगायतको उपस्थिति रहेको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्