वैदेशिक रोजगारीमा हुने ठगी कम गर्न एक दिने अभिमुखीकरण तालिम सम्पन्न

मंसिर २७, २०७८ सोमबार १७:२:३४

खोटाङ – खोटाङमा वैदेशिक रोजगारीमा हुने ठगी न्यूनीकरण सम्बन्धी एक दिने अभिमुखीकरण तथा अन्तरक्रिया कार्यक्रम सम्पन्न भएको छ ।

बालसेवा समाज नेपाल नेर्पा खोटाङले सञ्चालन गरिरहेको सुरक्षित आप्रवासन परियोजना सामी अन्तर्गतको कार्यक्रम खोटाङका विभिन्न ठाँउबाट प्रतिनिधित्व गर्नुभएका २७ जना प्रहरीहरुको उपस्थितिमा सम्पन्न भएको हो ।

कार्यक्रममा दिक्तेल रुपाकोट मझुवागढी नगरपालिकाका प्रमुख दीपनारायण रिजाल, प्रमुख नायब उपरीक्षक उमेश लम्साल, दिक्तेल रुपाकोट मझुवागढी नगरपालिकाका प्रमुख प्रशासकीय अधिकृत निलम कुमार न्यौपाने सहायक प्रमुख जिल्ला अधिकारी विकल श्रेष्ठ र बालसेवा समाज नेपाल नेर्पाका अध्यक्ष चन्द्रकला भुजेलसहितको उपस्थिति रहेको थियो ।

कार्यक्रममा वैदेशिक रोजगारी सम्बन्धी विषयलाई प्रहरी टिमबीच छलफल गर्ने तथा जिल्ला प्रहरी कार्यालयले पर्चा पम्प्लेटमा सुरक्षित वैदेशिक रोजगारी सम्बन्धी मुख्य विषयलाई समावेश गर्ने निर्णय भएको छ ।

यस्तै वैदेशिक रोजगारीका विषयलाई प्राथमिकतामा राख्न जिल्ला प्रहरी कार्यालय खोटाङले प्रहरी निरीक्षक सुरेश ठाकुरलाई सामी परियोजनाको फोकल पर्सन तोक्ने र सामीको तर्फबाट लिला निरौला रहने निर्णय गरिएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्