कतारमा आवास र श्रमिक भिसा उल्लङ्घन गरेका आप्रवासीलाई कानुनी अवस्था सुधार्ने अवसर

पुष २१, २०७८ बुधबार १५:३३:२६ | उज्यालो सहकर्मी

काठमाण्डौ – कतारले आवास र श्रमिक भिसाको नियम उल्लङ्घन गरेका आप्रवासी श्रमिकलाई आफ्नो कानुनी अवस्था सुधार्ने अवसर दिएको छ ।

कतारमा आवास र श्रमिक भिसाको नियम अर्थात् कानुन नम्बर २१ उल्लङ्घन गरेका सबै आप्रवासीले यसबाट फाइदा लिन सक्ने कतारमा रहेको नेपाली दूतावासले जनाएको छ ।

कानुन नम्बर २१ कतार सरकारले आप्रवासीको प्रवेश, निकास र आवास नियमन गर्न सन् २०१५ मा जारी गरेको हो । आप्रवासी श्रमिकले ३१ मार्च २०२२ सम्ममा आफ्नो कानुनी अवस्था सुधार गर्न सक्नेछन् ।

आफ्नो कानुनी अवस्था सुधारको निवेदन सर्च एण्ड फलो अप डिपार्टमेन्ट वा रोजगारदाता परिवर्तनको आवेदन लिने उम्म सलाल, अल रयान, मेसाइमिर, अल वाक्रा वा उम्म सुनाइमस्थित केन्द्रमा दिन सकिन्छ ।

यसका साथै अल समाल, अल खोर, अल दायेन, उम्म सलाल, द पर्ल, ओनाइजा, सुक वाफिक, अल रयान, उम्म सुनाइम, अल सहानियाँ, मेसाइमिर, अल वाक्रा वा दुखानका साविकको रोजगारदाता अन्तर्गतको आवास अनुमति जारी वा नवीकरणको आवेदन लिने सेवा केन्द्रमध्ये कुनै एकमा जाँदा पनि हुन्छ ।

यी विभाग वा सेवा केन्द्रमा दिउँसो १ बजेदेखि साँझ ६ बजेभित्र निवेदन दिन सकिन्छ ।

कतारमा रहेर कानुन नम्बर २१ उल्लङ्घन गरेका सबै आप्रवासी र रोजगारदातालाई समयमै आफ्नो कानुनी हैसियत सुधार गर्न र हुने कारबाहीबाट बच्न कतारको आन्तरिक मन्त्रालयले अनुरोध गरेको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्