वैदेशिक रोजगारीमा जाने क्रम बढ्दै, मंसिरमा मात्रै ७४ हजार भन्दा धेरैले लिए श्रम स्वीकृति

पुष २६, २०७८ सोमबार १४:३३:० | उज्यालो सहकर्मी

काठमाण्डौ – पछिल्लो समय वैदेशिक रोजगारीमा जाने क्रम बढेको छ । मंसिर महिनामा मात्रै ७४ हजार भन्दा बढीले वैदेशिक रोजगारीको लागि श्रम स्वीकृति लिएका छन् ।

कोरोना महामारीपछि विदेश जाने क्रम बढ्दै गएको वैदेशिक रोजगार विभागको तथ्यांकले देखाएको छ । गएको असोजमा ३९ हजार ६७१ जना नेपाली श्रमिकले वैदेशिक रोजगारीको लागि अन्तिम श्रम स्वीकृति लिएका थिए । यो क्रम बढेर कात्तिक महिनामा श्रम स्वीकृति लिनेको संख्या ५४ हजार ९१८ पुग्यो ।

मंसिरमा पुनः श्रम स्वीकृति समेत गरि ७४ हजार ३५४ जनाले वैदेशिक रोजगारीमा जानको लागि अन्तिम श्रम स्वीकृति लिएका छन् । यीमध्ये ३४ हजार ४९७ ले पहिलोपटक श्रम स्वीकृति लिएका र बाँकी दोस्रो पटक श्रम लिएर जानेहरु रहेको विभागले जनाएको छ ।

वैदेशिक रोजगारीमा जाने नेपालीहरुको सबैभन्दा बढी रोजाइको गन्तव्य अहिले साउदी बनेको छ । मंसिरमा २४ हजार ९१५ पुरुष र ७७ महिला गरि २४ हजार ९९२ जनाले साउदीको लागि श्रम स्वीकृति लिएका छन् । साउदीपछि सबैभन्दा धेरै कतारमा गएका छन् । २३ हजार २५ पुरुष र ७५२ महिला गरि २३ हजार ७७७ जनाले कतारको रोजगारीको लागि श्रम स्वीकृति लिएका छन् । यस्तै कतारपछि यूएई धेरैको रोजाइ गन्तव्य बनेको छ । १४ हजार १०४ पुरुष र २ हजार ५४३ महिला गरि जम्मा १६ हजार ६४७ जनाले यूएईको लागि श्रम स्वीकृति लिएका छन् ।

नेपालीहरु धेरै वैदेशिक रोजगारीमा जाने मध्ये मलेसियामा अहिले नयाँ श्रम स्वीकृति नखुलेकाले दुई वर्षदेखि त्यहाँ जाने क्रम रोकिएको छ । बिदामा घर आएका र भिसाको म्याद भएकाहरुमात्र मलेसिया जान पाउँछन् ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्