सङ्खुवासभा - सङ्खुवासभाको चिचिला गाउँपालिका-२ का अध्यक्ष मिरबहादुर राईमाथि नचिनेकाे समूहले ढुङ्गा प्रहार गरेकाे छ । 

हिजाे बेलुका ७ बजेतिर चिचिला गाउँपालिकाको हिउँदे अधिवेशन सकेर घर फर्किने क्रममा राईमाथि ढुङ्गा प्रहार भएकाे गाउँपालिकाले जनाएकाे छ । 

चिचिला–२ को ६ टनिङ्ग भन्ने ठाउँ हुँदै मोटरसाइकलमा घर फर्किरहेका वडाध्यक्ष राईमाथि एक्कासी ढुङ्गा प्रहार भएको थियो ।

ढुङ्गा प्रहारबाट वडाध्यक्ष राई सामान्य घाइते हुनुभएकाे छ भने मोटरसाइकलमा केही क्षति पुगेको छ । कसले, किन आक्रमण गर्याे भन्नेबारेमा अनुसन्धान भइरहेको प्रहरीले जनाएको छ । 

चिचिला गाउँपालिकाले विज्ञप्ति निकालेर अध्यक्ष राईमाथि ढुङ्गा प्रहार गर्नेलाई कारबाहीको दायरामा ल्याउने जनाएकाे छ।