कार्यव्यवस्था परामर्श समितिको बैठक सुरु, एमाले अनुपस्थित

फागुन ४, २०७८ बुधबार १२:१५:३७ | उज्यालो सहकर्मी

काठमाण्डौ – आज बस्ने प्रतिनिधिसभा बैठकको कार्यसूची तय गर्न कार्यव्यवस्था परामर्श समितिको बैठक सुरु भएको छ । दिउँसो १ बजे प्रतिनिधिसभा बैठकअघि सभामुख अग्निप्रसाद सापकोटाले परामर्श समितिको बैठक बोलाउनुभएको हो ।

संसद बैठक अवरोधलाई कायमै राख्ने निर्णय गरेको प्रमुख प्रतिपक्ष दल नेकपा एमालेले कार्यव्यवस्था परामर्श समितिको बैठक पनि बहिष्कार गरेको छ । आफूले कारबाही गरेका १४ सांसदबारे सभामुख सापकोटाले सूचना ननिकालेको भन्दै एमालेले संसद बैठक अवरोध गर्दै आएको छ ।

प्रधानमन्त्री शेरबहादुर देउवाले आजको प्रतिनिधिसभा बैठकमा एमसीसी सम्झौता टेबल गर्ने तयारी गरे पनि सत्ता साझेदार माओवादी केन्द्र र एकीकृत समाजवादी यसको विपक्षमा छन् । कार्यव्यवस्था समितिको बैठकमा कांग्रेसले सम्झौता टेबल गर्न प्रस्ताव गर्ने तयारी गरेको छ । तर सत्तारुढ माओवादी केन्द्र र एकीकृत समाजवादीले भने यसमा असहमति जनाउने बताएका छन् । संसद्को कार्यसूचीबारे सभामुखलाई परामर्श दिने कार्यव्यवस्था समितिको बैठकमा सत्तारुढ दलहरुले नै फरक फरक अडान लिने भएपछि आजको संसद बैठकमा एमसीसी सम्झौता टेबल नहुने सम्भावना छ ।

सत्तारुढ दलभित्र सहमति भएको अवस्थामा मात्रै संसदमा टेबल गर्ने सभामुख सापकोटाले अडान लिंदै आउनुभएको छ । प्रमुख प्रतिपक्षी एमालेले एमसीसीबारे विषय प्रवेश नै नगरी संसदमा पहिलेजस्तै नाराबाजी गर्ने जनाएको छ ।

अमेरिकाले सम्झौतामा परिमार्जन हुन नसक्ने र आउँदो १६ गतेसम्म पारित गर्न ‘अल्टिमेटम’ दिएपछि प्रधानमन्त्री देउवा दबाबमा पर्नु भएको छ । नेपाली कांग्रेसले एमसीसी सम्झौता संसद्बाट पारित गराउने निर्णय गरिसकेको छ ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कार्यव्यवस्था परामर्श समितिको बैठक सुरु, एमाले अनुपस्थित

फाइल तस्बिर

तपाईको प्रतिक्रिया