खोटाङ - खोटाङको ऐँसेलुखर्क गाउँपालिका–१ राखाबाङ्देलमा अस्थायी प्रहरी पाेस्ट स्थापना गरिएको छ ।

भौगोलिक रुपमा सुरक्षा निकायबाट टाढा रहेको क्षेत्रको सुरक्षाका लागि राखाबाङ्देलमा अस्थायी प्रहरी पाेस्ट स्थापना गरिएको हो ।

खोटाङका प्रमुख जिल्ला अधिकारी फणिन्द्र दाहाल र ऐँसेलुखर्क गाउँपालिकाका अध्यक्ष विश्वनाथ निरौलाले संयुक्त रूपमा अस्थायी प्रहरी पाेस्टकाे उद्घाटन गर्नुभएको छ ।

प्रहरी सहायक निरीक्षकको नेतृत्वमा ६ जना प्रहरीको टोली रहने गरी अस्थायी प्रहरी पाेस्ट स्थापना गरिएको जिल्ला प्रहरी कार्यालय खोटाङका प्रहरी नायब उपरीक्षक उमेश लम्सालले बताउनुभयो । बस्ती पातलो भएको तथा सुरक्षाका दृष्टिले संवेदनशील भएकाले अस्थायी प्रहरी पाेस्टकाे स्थापना गरिएको हो ।

राखाबाङ्देलका स्थानीयले पटक–पटक प्रहरी चौकी स्थापनाको माग गर्दै आएका थिए ।