युक्रेनमा भइरहेको आक्रमण रोक्न सुरक्षा परिषद् असफल भयाे : एन्टाेनियो गुटेरेस

 वैशाख १६, २०७९ शुक्रबार ७:१८:४२ | एजेन्सी
unn.prixa.net

फाइल तस्बिर

संयुक्त राष्ट्र सङ्घका महासचिव एन्टाेनियो गुटेरेसले युक्रेनमाथि भइरहको रुसी आक्रमण रोक्न नसकेकोमा आफ्नै सङ्गठन अन्तर्गत रहेको सुरक्षा परिषद्को आलोचना गर्नुभएको छ ।

युक्रेनमा रुसले आक्रमण गरेका मुख्य सहरको भ्रमण र राष्ट्रपति भोलोदोमिर जेलेन्स्कीसँगको भेटवार्तापछि भएको पत्रकार सम्मेलनमा महासचिव गुटेरेसले संयुक्त राष्ट्र सङ्घको सुरक्षा परिषद् युद्ध रोक्न असफल भएको भन्दै आलोचना गर्नुभएको बीबीसीले जनाएको छ । उहाँले युक्रेन अहिले ठूलो निराशा र क्रोधको केन्द्र बनिरहेको पनि बताउनुभयो ।

१५ सदस्यीय सुरक्षा परिषद्लाई विश्वव्यापी शान्ति र सुरक्षा सुनिश्चित गर्ने जिम्मेवारी दिए पनि युक्रेन युद्धमा सुरक्षा परिषद्ले केही गर्न नसकेको गुटेरेसले बताउनुभएको छ । तर शान्ति कायम गर्ने यात्रामा कहिल्यै हार मान्न नहुने भन्दै उहाँले सुरक्षा परिषद्ले सक्दो काम नगरे पनि राष्ट्र सङ्घका अरु निकायले भने मानवीयताका थुप्रै काम गरिएको बताउनुभयो ।

एक हजार चार सय कर्मचारीले युक्रेनमा गास, बाससहितका अन्य सुविधाको लागि काम गरिरहेको गुटेरेसले बताउनुभयो ।

पत्रकार सम्मेलन चलिरहेकै बेला राजधानी किएभमा दुई वटा ठूला विस्फाेट हुँदा हल हल्लिएको थियो । महासचिव गुटेरेस रुस भ्रमणपछि युक्रेनमा जानुभएको हो । रुसले युक्रेनमा आक्रमण गरेको दुई महिनाभन्दा धेरै समय भइसकेको छ । 

अन्तिम अपडेट: मंसिर ३०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई