विवादका कारण हुलाकी सडक निर्माण ठप्प

असोज २, २०७५ मंगलबार १६:४२:५२ | गोविन्द शर्मा

बाँके – बाँकेमा निर्माणाधीन हुलाकी सडकको निर्माण कार्य रोकिएको छ ।

सीमाङ्कन विवादका कारण वैशाखदेखि राप्ती पारिको मटेहिया क्षेत्रमा सडक निर्माण कार्य रोकिएको हो । नेपाल सरकारको आन्तरिक लगानीमा हुलाकी सडक आयोजनाले ४४ किलोमिटर सडक २ खण्डमा विभाजित गरेर २०७३ फागुनदेखि निर्माण सुरु गरेको हो ।

निर्माण कार्य ०७६ असार मसान्तसम्म पूरा गर्नुपर्ने समय सीमा रहेको छ । आयोजना, निर्माण कम्पनी र स्थानीय जग्गाधनीहरुबीच नक्सांकनकै विवादले वैशाखदेखि निर्माण कार्य ठप्प भएको हो ।

बाँकेको राप्ती पारि जीर्ण सडक भएका कारण वर्षायाममा भारतीय बाटो भएर सदरमुकाम नेपालगञ्ज पुग्नुपर्ने बाध्यता अहिले पनि रहेको छ । भारत सरकारले निर्माण गर्ने भनेको हुलाकी सडकमा लामो समयसम्म निर्माण कार्यले गति नलिएपछि नेपाल सरकार आफैले निर्माण गर्न लागेको हो ।

हुलाकी राजमार्ग अन्तगर्त नरैनापुर गाउँपालिका वडा नम्बर ५ मटेहियामा सडक खण्डमा सर्भे र नापी भए पनि त्यहाँ विपरित सडक निर्माण कार्य गर्न लागिएको भन्दै विवाद भएको हो । हुलाकी राजमार्गको पूर्व र पश्चिमतर्फ सडक ग्राबेल बनिसकेको छ भने अवरोधले त्यो खण्डको ३ सय मिटर बाटो खाल्डा खुल्डीकै स्थितिमा छ । निर्माण रोकिएपछि सहज आवात जावतमा समस्या परेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्