अन्धविश्वासले ज्यान गयो, आश्रम खोलेर झारफुक गर्दै आएका ओम बाबा पक्राउ

असोज ३, २०७५ बुधबार ११:८:४८ | हरि हुमागाईं

मकवानपुर – हेटौंडा–१४ मा आश्रम खोलेर बिरामीको झारफुक गर्दै आएका ओम बाबालाई प्रहरीले पक्राउ गरेको छ । आश्रममा उपचार गराउन जाँदा मृत्यु भएकी हेटौंडा–११ बस्ने सावित्री पुडासैनीको परिवारको जाहेरीका आधारमा ओम बाबालाई प्रहरीले पक्राउ गरेको हो ।

बाबाले उपचार गराउँछु भन्दै गम्भीर विरामीलाई आश्रममा दुई दिनसम्म राखेपछि पुडासैनीको ज्यान गएको थियो । उनी बेहोस भएको अवस्थामा पनि बाबाले छिट्टै निको हुन्छ भन्दै झारफुक गरिरहे । उनलाई अस्पताल लैजान पनि दिएनन् र उनको मृत्यु भयो । त्यही परिवारको जाहेरीका आधारमा बाबालाई पक्राउ गरिएको जिल्ला प्रहरी कार्यालय मकवापनुरका प्रहरी उपरीक्षक बुद्धिराज गुरुङले बताउनुभयो ।

पीडित पक्षले आश्रममा सावित्रीको मृत्यु भएको भन्दै प्रहरीलाई घटनाको जानकारी गराएको थियो । तर, प्रहरीले घटना थाहा पाएर पनि अनुसन्धानमा आनाकानी गरी पीडितसँग जाहेरी लिनै नमानेको पिडीत परिवारले बताएका छन् । पीडित पक्षले घटनाको बारेमा सबैतिर जानकारी गराएपछि बल्ल मात्रै प्रहरीले जाहेरी लिन मानेको थियो ।

ओम बाबालाई प्रहरीले मुद्धा चलाउने तयारी गरेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्