काठमाण्डौं – ललितपुरको बाग्मती गाउँपालिका अध्यक्षमा नेपाली कांग्रेसका बीरबहादुर लोप्चन विजयी हुनु भएको छ । 

विजयी लोप्चनले नेपाल कम्युनिष्ट पार्टी (एमाले) का नवराज सञ्जेललाई ८सय ५६ मतले पछि पार्दै विजयी हुनु भएको हो । कांग्रेसका लोप्चनको ४ हजार ९ सय ९ मत प्राप्त गर्नुभयो भने एमालेका सञ्जेलले ४ हजार ५३ मत प्राप्त गर्नुभयो । 

यस्तै उपाध्यक्षमा भने नेपाल कम्युनिष्ट पार्टी (माओवादी केन्द्र) का भक्तबहादुर दर्लामी मगर ४ हजार ६ सय ९२ मतसहित विजयी हुनु भएको छ । उहाँका निकटतम प्रतिस्पर्धी एमालेका नमुना दोङको ३ हजार ७ सय मत छ । 

सात वटा वडा रहेको बाग्मतीमा पाँच वटा वडाको वडाध्यक्षमा कांग्रेस तथा एक, एक वटा वडामा एमाले र माओवादी केन्द्रले जितेको निर्वाचन अधिकृत नग्रेन्द्रकेशरी पोखरेलले जानकारी दिनु भयो ।