पूर्वसांसद राईमाथि हातपात

 जेठ १२, २०७९ बिहिबार १०:१८:५३ | दमन राई
unn.prixa.net

खोटाङ – पूर्व सांसद टंक राईमाथि हातपात भएको छ । माओवादी केन्द्रका केन्द्रीय अनुशासन आयोगका अध्यक्ष राईमाथि बुधबार राति आफ्नै गाउँ दिक्तेल रुपाकोट मझुवागढी नगरपालिका–१२ जालपामा हातपात भएको हो । स्थानीय पूर्ण राईले मादक पदार्थ सेवन गरेको अवस्थामा राति साढे ९ बजे कठालो समाएर आक्रमण गरेको पूर्वसांसद राईले बताउनुभयो । 

खाना खाएर सुत्ने तरखर गरिरहेका बेला नजिकै हो–होल्ला भएपछि गएर सम्झाउन खोज्दा राईमाथि हात हालिएको हो । हातपात हुन थालेपछि छुट्ट्याउने क्रममा लछारपछार हुँदा पूर्णको टाउकोमा चोट लागेको छ ।

माओवादी नेता तथा कार्यकर्ताले भने निर्वाचन परिणामलाई लिएर पूर्वसांसदमाथि आक्रमण भएको दाबी गरेका छन् । आरोपित राईमाथि पालिकातहको चुनावमा विजय जुलुस निकालिरहेको अवस्थामा बोत्तल हानेको आरोप छ । 
 

अन्तिम अपडेट: भदौ २७, २०७९

दमन राई

खोटाङमा बसेर पत्रकारिता गर्ने दमन राई उज्यालोका जिल्ला सम्वाददाता हुनुहुन्छ । 

तपाईको प्रतिक्रिया