एसएस फाउण्डेशनले फुटबलर अमिशा कार्कीलाई नगद एक लाखसहित सम्मा...
कात्तिक १६, २०८१ शुक्रबार
कुनै बेला काठमाडौंमा टिक्न नसकेर झापा फर्किएका थिए धुर्मुस
काठमाडौं – सीताराम कट्टेल (धुर्मुस)को आज जन्मदिन परेको छ । लामो समयदेखि उनी कलाकरिता क्षेत्रमा लागिपरेका छन् ।
कलाकारिता क्षेत्रसँगै उनी २०७२ सालको भूकम्पपश्चात भने श्रीमती कुञ्जना समेतलाई साथमा लिएर समाजसेवामा लागेका छन् । यसका लागि उनले धुर्मुस सुन्तली फाउन्डेसनको स्थापना नै गरेका छन् । र उनीहरुको विश्वसनीयताका आधारमै देश तथा विदेशमा रहेका नेपालीले आफ्नो योगदान दिँदै आएका छन् ।
सीताराम कट्टेल (धुर्मुस)सोलुखुम्बु जिल्लाको तत्कालीन नेचा बेतघारी गा.वि.स.मा जन्मिएका हुन् । बुवा बोगराज कट्टेल र आमा कमला कट्टेलको जेठो छोरोका रुपमा वि.सं २०४० साल असोज ४ गते उनको जन्म भएको थियो । उनी ८ वर्षको छँदै उनको परिवार झापा झरेको थियो ।
माध्यमिक तहसम्मको अध्ययन भने सीताराम कट्टेलले झापाको गौरादहमा पूरा गरेका थिए ।
निम्न आयस्तर भएको परिवारमा जन्मिएका उनले बाल्यकालदेखि नै आर्थिक अभाव भोगेर हुर्किएका थिए । कापीकलमको जोहो गर्नका लागि उनी कहिले हलो जोत्थे त कहिले अरुको स्केच चित्र बनाउँथे । खेतबारीको काम, घाँस दाउरा र घरायसी काम गर्दै अध्ययनलाई समेत अघि बढाएका उनी अध्ययनका क्षेत्रमा समेत कृयाशील भएर लाग्ने गर्थे ।
पढाईमा तेजिलो भएकै कारण पनि सीतारामले एसएलसी प्रथम श्रेणीमा पास गरेका थिए । उच्च शिक्षाका लागि भने उनी बुवाले ऋण गरेर जुटाएको १७ सय रुपैयाँ गोजीमा राखेर काठमाडौं आएका थिए ।
तर बुवाले ऋण खोजेर दिएको पैसा कोठा खोज्दा, र कोठाका निम्ति सामान जुटाउँदा नै सकियो । त्यसपछि उनले चित्र बनाउनेदेखि भाँडा बेच्ने कामसम्म गरेका थिए । यस्ता विभिन्न काम गरेर जम्मा गरेको पैसाले रत्न राज्यलक्ष्मी क्याम्पसमा भर्ना भए । साथीहरुलाई जोक र क्यारिकेचर गरेर हँसाएको भरमा समेत थुप्रै छाक टारेका थिए उनले ।
उनी पत्रपत्रिका पढ्ने, टेलिभिजन हेर्ने भने गरिरहन्थे । उनलाई बेला बेलामा साथीहरुले कलाकार बन्न अभिप्रेरित गरिरहन्थे । साथीहरुले गरेको त्यो अनुरोध नै कलाकारिता क्षेत्रमा लाग्न प्रेरणाको श्रोत बन्यो त्यसैबीचमा केही समयपछि उनलाई कलाकार बन्ने भूत चढ्यो ।
त्यसपछि उनी हाँस्यकलाकार खेम शर्मासँगै बस्न थाले । खेम शर्मासँगै हिँड्न थालेपछि चिनजानसमेत बढ्दै गयो । तर, गतिलो अवसर भने पाउन सकेका थिएनन् । अन्त त उनी हार मान्दै झापा फर्किए ।
काठमाडौंदेखि हार मानेर झापा फर्किएका सीताराम झापामा अडिएर रहन भने सकेनन् । फेरि संघर्षसँग जुध्ने निर्णय गरी फेरि राजधानी नै फर्किएर आए । त्यसपछि फेरि संघर्ष गर्न थाले । त्यसको केही समयपछि भने उनले सन्तोष पन्तको टेलिचलचित्र ‘हिजो आजका कुरा’ मा छोटो संवाद बोल्ने मौका पाए ।
औपचारिक रुपमा भने हाँस्यकलाकार जितु नेपालले उनलाई कलाकारिता क्षेत्रमा प्रवेश गराए । गीताञ्जली टेलिचलचित्रमा अभिनय गर्ने मौका जुरेसँगै उनको भेट केदार घिमिरे (माग्ने बुढा) सँग हुन पुग्यो ।
त्यसपछि भने धुर्मुस र माग्ने बुढाको जोडीलाई दर्शकले राम्रैसँग रुचाउन थाले । गीताञ्जलीमा अभिनय गर्दागर्दै उनले दीपकराज गिरीसँगको चिनजानका कारण तितो सत्यको १४ भागसम्म अभिनय गर्ने अवसर प्राप्त गरे । पछि केदार घिमीरेसँगको सहकार्यमा मेरी बास्यै हाँस्य टेलिश्रृंखला निर्माण गर्न सुरु गरे ।
मेरी बास्सैमा सीतारामले अभिनय गरेको धुर्मुस पात्रले निकै चर्चा कमाउन सफल भयो । र सीतारामलाई दर्शकले बिर्सिदिए तर उनै सीतारामको धुर्मुस क्यारेक्टर भाने सबैको मन मस्तिष्कमा बस्न सफल भयो ।
मेरी बास्सैमा उनले धुर्मुसको मात्र नभएर खडानन्द, नक्कली केपी ओली,खड्काजी, मुस्कान पासा, आइतेलगायत धेरै भूमिको निर्वाह गरेका थिए । एउटै टेलिश्रृङ्खलामा सबैभन्दा धेरै भूमिकामा देखिएका कलाकार हुन् सीताराम कट्टेल ।
मेरी बास्सै निर्माण तथा अभिनयकै क्रममा उनले धुर्मुसको जोडीको रुपमा देखिएकी कुञ्जना घिमिरे(सुन्तली)सँग विवाह गरे । अहिले उनीहरुको एक छोरी समेत रहेकी छिन् । छ एकान छ, वडा नम्बर ६ लगायतमा सफल चलचित्रहरुमा समेत उनले अभिनय गर्नुका साथै लगानी समेत गरेका थिए ।
वैशाख १२ को गोरखा भूकम्पपश्चात धुर्मुस सुन्तलीको जोडी सामाजिक काममा अत्यन्तै सक्रिय भएर लागि परेका छन् । भूकम्पपश्चात यो जोडीको सक्रियतामा काभ्रे, महोत्तरीलगायतका स्थानहरुमा एकीकृत बस्तीको समेत निर्माण सम्पन्न गरिसकेका छन् । धुर्मु सुन्तली एकीकृत नमुना बस्ती नाम दिइएको उक्त बस्तीले धेरैबाट प्रशंसा पाउनुको साथै धेरैबाट आर्थिक सहयोग समेत जुटेको छ ।
यस्तै, भूकम्प प्रभावितलाई कपडा बाँड्नुका साथै महोत्तरीको बर्दिबासमा रहेको मुसहर बस्तीमा राहत बाँडेका थिए ।
यो सामाजिक कामलाई अझै सक्रिय रुपमा अगाडि बढाउन उनीहरुले वि.सं २०७२ सालमा धुर्मुस सुन्तली फाउण्डेशन स्थापना गरेका थिए । त्यही फाउण्डेशनमा देश तथा विदेशमा रहेका नेपालीहरुले खुलेर आर्थिक सहयोग गरिरहेका छन् । भर्खरै काठमाडौंको वीर अस्पतालको रङरोगन गर्ने कार्य समेत सम्पन्न गरिसकेका छन् ।
अहिले भने उनी क्रिकेट रंगशाला निर्माण गर्नका निम्ति अग्रसर भएर लागि परेका छन् । अबको केही समयपश्चात धुर्मुस चलचित्र निर्माणमा समेत लाग्ने तयारी गरिरहेका छन् ।
-उज्यालाे र गफगाफ डटकमकाे सहकार्यमा
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
भारतको दिल्लीमा वायु प्रदूषण अहिलेसम्मकै खराब, एक्यूआई चार सय...
कात्तिक १६, २०८१ शुक्रबार
-
पर्वतको नागढुङ्गा सहकारीको पाँच करोड रुपैयाँ हिनामिना
कात्तिक १६, २०८१ शुक्रबार
-
हात्तीको आक्रमण : रौतहटमा एक जनाको ज्यान गयो, कञ्चनपुरका स्थान...
कात्तिक १६, २०८१ शुक्रबार
-
काठमाण्डौ उपत्यकामा पटका पड्काउने क्रम रोकिएन
कात्तिक १६, २०८१ शुक्रबार
-
यसवर्ष भाइमसलाको भाउ झण्डै ३० प्रतिशतले बढ्यो
कात्तिक १६, २०८१ शुक्रबार
-
शिक्षासेवी चैतन्य शर्माको निधन, अन्त्येष्टि भोलि गरिने
कात्तिक १६, २०८१ शुक्रबार
-
जुम्लामा यसवर्ष २० हजार मेट्रिक टन स्याउ उत्पादन
कात्तिक १६, २०८१ शुक्रबार
-
इजरायलले गाजामा गरेको पछिल्लो सैन्य आक्रमणमा ४६ जनाको ज्यान गयो
कात्तिक १६, २०८१ शुक्रबार
-
सीमापारि बजारमा नेपाली ग्राहक भारु १ सयको १ सय ६६ रुपैयाँ ...
कात्तिक १६, २०८१ शुक्रबार
-
भक्तपुरका नेवार समुदायले आज म्हः पूजा र भोलि भाइटीका मनाउँदै
कात्तिक १६, २०८१ शुक्रबार
-
छहरेमा ट्रकको ठक्करबाट मोटरसाइकलमा सवार एक जनाको ज्यान गयो
कात्तिक १६, २०८१ शुक्रबार
-
थाई एयर एशियाले पर्सि आइतवारदेखि काठमाण्डौ र भैरहवाबाट उडान...
कात्तिक १६, २०८१ शुक्रबार
-
मध्यपूर्वको द्वन्द्वले दीर्घकालसम्म असर पार्ने अन्तर्राष्ट्रिय मुद्रा ...
कात्तिक १६, २०८१ शुक्रबार
विचार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
-
सरकारको सय दिन निराशाजनक पनि होइन, तर आशा जगाउने खालको पन...
कात्तिक ७, २०८१ बुधबार
-
चलचित्रबीच प्रतिस्पर्धा हुनु राम्रो हो, तर तालमेल नमिल्दा बेमेल...
कात्तिक ४, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
बालचन्द्र सुब्बा
Sept. 21, 2018, 7:50 a.m.यि कलाकारलाई अपार सफलता मिलाेस्।शुभकामना !!!