सार्वजनिक ठाउँमा धर्मबारे बाेल्दा सचेत हुन शीर्ष नेतालाई भाजपाकाे निर्देशन

जेठ २५, २०७९ बुधबार २०:२:३६ | एजेन्सी

भारतको सत्तारूढ दल भारतीय जनता पार्टी (भाजपा) ले सार्वजनिक ठाउँमा धर्मबारे बोल्दा अत्यन्त सचेत हुन आफ्ना शीर्ष नेतालाई निर्देशन दिएको छ । पार्टीका प्रवक्तासहित दुई नेताले मुसलमान धर्मका प्रवर्तक मोहम्मदबारे अपमानजनक टिप्पणी गरेको भन्दै कैयौँ मुस्लिम देशले विरोध गरेपछि भाजपाले यस्तो निर्देशन दिएको हो ।

भाजपाले प्रत्यक्ष टेलिभिजन अन्तर्वार्तामा सहभागी हुने अनुमति पाएका पार्टीका तीस जनाभन्दा बढी पदाधिकारी र केही सङ्घीय मन्त्रीलाई धर्मसम्बन्धी प्रतिक्रियाका बारेमा मौखिक प्रशिक्षण दिएर सचेत हुन निर्देशन दिएको रोयटर्सले जनाएको छ । इस्लाम विरोधी टिप्पणी दिएकोमा विवाद बढेपछि भाजपाले प्रवक्ता नूपुर शर्मा र दिल्ली मिडिया सेल प्रमुख नवीनकुमार जिन्दाललाई पार्टीबाट निष्कासनसमेत गरेको छ ।

मुस्लिम बाहुल्यता भएका देशहरूको विरोधका कारण भाजपाले सतर्कता अपनाउन सुरु गरेको अलजजिराले जनाएको छ । गएको हप्ता अमेरिकी विदेश मन्त्रालयले जारी गरेको वार्षिक प्रतिवेदन सन् २०२१ मा भारतभर अल्पसङ्ख्यक समुदायका सदस्यहरूमाथि आक्रमण भएको उल्लेख हुनुका साथै भाजपाका नेताबाट इस्लाम विरोधी टिप्पणी सार्वजनिक हुन थालेपछि मुस्लिम देशहरूसँग भारतको कुटनीतिक सम्बन्ध बिग्रन थालेको छ ।

भारत सरकारले भने नेताको टिप्पणीमा भारत सरकारको भनाइ नजोडिने भन्दै सरकारले सबै धर्मप्रति समान व्यवहार गरेको दाबी गरेको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्