एसिड आक्रमणमा बाँचेकी युवतीलार्इ अक्षय कुमारले गरे अार्थिक सहयाेग

असोज ५, २०७५ शुक्रबार १८:५८:१४ | उज्यालो सहकर्मी

बलिउडमा एक वर्षमा सबैभन्दा धेरै फिल्ममा काम गर्ने अभिनेता हुन अक्षय कुमार । उनी अभिनयका कारण जति चर्चामा हुन्छन् त्यति नै चर्चा उनले सामाजिक क्षेत्रमा गरेको कामका कारण कमाउँछन् ।

तर उनी आफ्ना सामाजिक कार्यहरुलाई मिडियादेखि टाढा नै राख्ने कोशिशमा हुन्छन् । तर पनि उनले सामाज सेवाका लागि गरेका कामहरु मिडियाबाट लुक्न सकेको छैन ।

यतिबेला उनले एसिड आक्रमणमा बाँच्न सफल भएकी एक युवतीलाई आर्थिक सहयोग गरेका कारण चर्चामा छन् ।

एसिड आक्रमणमा बाँच्न सफल लक्ष्मी अग्रवाल स्वयमले अक्षयले आफूलाई आर्थिक सहयोग गरेको कुरा सार्वजनिक गरेकी छिन् ।

उनले भनेकी छिन् ‘एक वर्षदेखि मसँग कुनै पनि काम थिएन । यो कुरा अक्षयले थाहा पाउनेबित्तिकै मलाई पाँच लाख रुपैयाँ पठाइदिनु भयो, उनले अगाडि भनिन् ‘यस कुराले म निकै खुशी भएकी छु । मलाई म र मेरी छोरी अब एक्लो नरहेको महशुश भइरहेको छ ।’

यस विषयमा अभिनेता अक्षय कुमारले भने,‘मलाई यस विषयमा कुरा गर्न लाज लागिरहेको छ । मैले एसिड आक्रमणमा बाँच्न सफल लक्ष्मीलाई सानो सहयोग गरेको हुँ । जसबाट लक्ष्मी आफ्नो घरको भाडा, उनकी छोरीको रेखदेख र खानपानको चिन्ता नलिएर आफ्नो लागि राम्रो नोकरी खोज्न सकुन । हामी सबैले यो बुझ्न जरुरी छ की मेडल, अवार्ड र सर्टिफिकेटले पेट पाल्न र घर चलाउनमा सहयोग गर्दैनन् । यदि हामीले कसैलाई सहयोग गर्नुछ भने त्यो व्यवहारिक हुनु जरुरी छ ।’

अक्षय कुमारले मिडियामा भनेको यो कुरा सार्वजनिक भएपछि लक्ष्मीलाई नोकरीको लागि २०० भन्दा बढी फोनहरु आइसकेका छन् । लक्ष्मी यतिबेला भारतको दिल्लीमा बस्दै आइरहेकी छिन् । अक्षयले गरेको सहयोगका कारण लक्ष्मी खुशी त भइन् नै, साथमा अक्षयको पनि चौतर्फी प्रशंशा भइरहेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्