ललितपुरमा ठेलामा पानीपुरी–चटपटे र फलफूल बेच्न रोक

असार १२, २०७९ आइतबार १४:३२:५२ | उज्यालो सहकर्मी

ललितपुर – ललितपुर महानगरपालिकाले फुटपाथमा पानीपुरी र चटपटे बेच्न रोक लगाएको छ । हैजा फैलिने उच्च जोखिमलाई मध्यनजर गर्दै महानगरले आज आइतवारदेखि गाडीमा माइकिङ गरेरै फुटपाथमा पानीपुरी र चटपटे बेच्न रोक लगाएको हो ।

हैजाको जोखिम कोरोना महामारीको जस्तै डर लाग्दो हुने भएकाले बेलैमा सचेत रहन यो काम सुरु गरेको महानगरका नगर प्रहरी प्रमुख सीताराम हाछेँथुले जानकारी दिनुभयो । उहाँका अनुसार आजदेखि सुरु गरिएको माइकिङ महानगरका २९ वटै वडामा एक हप्तासम्म गरिनेछ । माइकिङमा हैजा कसरी लाग्छ ? यसबाट बच्न के–के गर्नुपर्छ ? र यसका लक्षणहरू के – के हुन् ? भन्नेबारेको जानकारी दिइनेछ ।

यसका साथै फुटपाथमा असुरक्षित ढङ्गले पानीपुरी र चटपटे बेच्न नपाइने जानकारी पनि गराइनेछ । सफा पानी र पञ्जाको प्रयोग गर्ने होटल तथा रेस्टुरेन्टहरूमा भने बेचबिखन गर्न दिइनेछ । ठेलागाडाको प्रयोग गरेर पानीपुरी मात्रै होइन फलफूलसमेत बेच्न नपाइने प्रमुख हाछेँथुले जानकारी दिनुभयो ।

महानगरमा नगर प्रहरीका दुई वटा टोली खटिनेछन् । जसमा एक टोली गाडीमा माइकिङका लागि र अर्को टोली फुटपाथमा बेचबिखन भए/नभएको जाँच्नका लागि खटिने प्रमुख हाछेँथुकाे भनाइ छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ललितपुरमा ठेलामा पानीपुरी–चटपटे र फलफूल बेच्न रोक

फाइल फाेटाे

तपाईको प्रतिक्रिया