सङ्खुवासभामा मलामी बोकेको ट्र्याक्टर दुर्घटना हुँदा २ जनाको ज्यान गयो

असार २४, २०७९ शुक्रबार १६:६:४० | नवीन गुरुङ

सङ्खुवासभा – सङ्खुवासभाको चैनपुर नगरपालिका १० दुमकटामा मलामी बोकेकाे ट्र्याक्टर दुर्घटना हुँदा दुई जनाको ज्यान गएकाे छ भने ४२ जना घाइते भएका छन् ।

आज शुक्रवार दिउँसो १ बजेतिर पिलुवा खोलामा मृतकको दाहसंस्कार गरी लेगुवा–खाँदबारी सडक खण्ड हुँदै खराङबाट फर्किने क्रममा चैनपुरको दुम्कटा भन्ने ठाउँमा को १ त ३९६१ नम्बरको ट्र्याक्टर दुर्घटना भएको जिल्ला प्रहरी कार्यालय सङ्खुवासभाका प्रहरी निरीक्षक सरोज खनालले जानकारी दिनुभयाे ।

ट्र्याक्टर दुर्घटनामा घाइते भएका चैनपुर १० का २४ वर्षीय गंगाबहादुर तामाङ र चैनपुर ९ का ४६ वर्षीय केशव कार्कीको उपचारको क्रममा ज्यान गएकाे उहाँले बताउनुभयाे । उहाँका अनुसार ट्र्याक्टरमा ४४ जना चढेका थिए ।

घाइतेहरूको तुम्लिङटारमा रहेकाे मनकामना अस्पताल र जिल्ला अस्पताल खाँदबारीमा उपचार भइरहेको छ । ट्र्याक्टर चालक चैनपुर १० का ३४ वर्षीय मोहनकुमार तामाङलाई प्रहरीले पक्राउ गरेकाे छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सङ्खुवासभामा मलामी बोकेको ट्र्याक्टर दुर्घटना हुँदा २ जनाको ज्यान गयो

खाँदबारी अस्पतालमा घाइतेहरूको उपचार हुँदै । तस्बिर : नवीन गुरुङ/उज्यालाे

तपाईको प्रतिक्रिया