श्रीलङ्काका प्रधानमन्त्री कार्यवाहक राष्ट्रपतिमा नियुक्त, प्रदर्शनकारीले प्रधानमन्त्री कार्यालय घेराउ गर्न खोज्दा झडप

असार २९, २०७९ बुधबार १४:११:२६ | एजेन्सी

श्रीलङ्काको कार्यवाहक राष्ट्रपतिको जिम्मेवारी प्रधानमन्त्री रनिल विक्रमासिङ्घेले पाउनुभएको छ ।

भागेर माल्दिभ्स पुगेका राष्ट्रपति गोटाबाया राजापाक्षेले विक्रमासिङ्घेलाई कार्यवाहक राष्ट्रपतिको जिम्मेवारी दिनुभएको सभामुख महिन्दा यापा अबेवर्देनाले बताउनुभएको खबरमा उल्लेख छ । यसैबीच, राष्ट्रपति र प्रधानमन्त्रीको राजीनामा माग्दै हजारौँको सङ्ख्यामा प्रदर्शनकारी प्रधानमन्त्री कार्यालय घेराउ गर्न अघि बढेपछि सुरक्षाकर्मीले रोकेका छन् ।

प्रदर्शनकारी र प्रहरीबीचको झडपमा केही घाइते भएका छन् । प्रहरीले दर्जनौँ सेल अश्रुग्यास र केही राउन्ड हवाई फायर तथा रबरका गोली चलाएको छ । प्रधानमन्त्री कार्यालय जाने राजकिया मवाथा सडक अश्रुग्यासको धुवाँले ढाकिएको छ ।

सडकमा गोली चलेको समेत आवाज सुनिएको प्रत्यक्षदर्शीले बताएका छन् । श्रीलङ्कामा सङ्कटकाल लागू भएको छ । आर्थिक सङ्कट र राजनीतिक अस्थिरताकाबीच प्रधानमन्त्री रनिल बिक्रमासिङ्घेले सङ्कटकालको घोषणा गर्नु भएको हो । उहाँले श्रीलङ्काको पश्चिमी प्रान्तमा कर्फ्युसमेतकाे घोषणा गरेका बीबीसीले जनाएको छ । श्रीलङ्काका राष्ट्रपति गोटाबाया राजपाक्षे भागेर माल्दिभ्स पुग्नुभएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्